1 အိုယ် မဲ ဇဝ်ဖြာ၊ ကွဲ့ တဲး အီ ဟဝ် ရုဝ်ဆေ ယေ။ တဲး ဒွန် အီ ရုဝ်ဆေ မဲ။ တဲး ဂေ ရုဝ်ဆေ မဲ ကူပ် မိုဝ်း မဲ ဇဝ် နဝ်း ရွက့် ကာဝေ ဘော နဝ်း မှာန် ဆေဆေ။

2 မှဝ် န့ ပါယ် ပီ တဝ်း ဂေ ဒူအီ အာမျုဝ် ဟဝ်၊ “ဇဝ်ဖြာ ဂေ ကွယ် ဒီ မှဝ်။း”

3 ဇဝ်ဖြာ ပီ ကြိုပ် အေ၊ အန် ကွယ် ခဲင် ဂါင်ဟြာဝ်၊ အန် ဘော ဘူင် ခဲ့ ပီ အိုင် အန်။

4 အာရိုပ် ပီ ကြိုပ် ဂေ၊ ဂေ ဟဲ့ ဘူင် တာ ရွိုန် ဂေ ခြိဝ်။ န့ ဘော မုး အာရိုပ် ရာင် ပဲ့ ဟဲ့ ဘူင် ဒူအီ ဒီ ဒဲ ဂေ။

5 အာရိုပ် တီ မိုဝ်း မူတ့်၊ ယီ တူ နပ် ဒီ ဂြုဝ်း။ မိုဝ်း ငါယ်၊ ယီ တူ ပွိုန် ယိုဝ် မာဆေ။ မိုဝ်း ဟျုဝ့် ၊ ယီ တူ နပ် ဒီ ထူမ်။

6 မိုဝ်း ဂုင်မုး၊ ယီ တူ နပ် ဒီ အုး မာဆေ။

7 မိုဝ်း ဒဲ၊ ယီ တူ ပွိုန် ပါ၊ မိုဝ်း ပ့လဝ်၊ ယီ တူ နပ် ဒီ ဟာဝ်၊ မိုဝ်း ကာဒဝ် မဲင်၊ ဂြုဝ်း ယီ တူ လေး။

8 ဂေ အီ ဘူင် အာရိုပ် တီ၊ ဂေ ဒီ ပီ အာရိုပ် ရာင် ပီ ဘူင် ဂေ တီ။ ဘော ဂေ ဒူအီ အီ ကြိုပ် အာရိုပ် တီ၊ ဂေ ဒီ ဘော ပီ ပါယ် တီ။

9 ဂေ ဒူအီ အီဆာရေလ ယီ ညှိုမ် ဘိုင် ဇဝ်ဖြာ။ အန် ဇဝ် ဘော မုး အီ စွယ် အီ ရဲ အီ ဂွင့် ဂေ။

10 ဂေ ဒူအီ အီ လှူ ဒီ ဇဝ်ဖြာ၊ ဂေ ညှိုမ် ဘိုင် ဇဝ်ဖြာ။ အန် ဇဝ် ဘော မုး အီ စွယ် အီ ရဲ အီ ဂွင့် ဂေ။

11 ဂေ ဒူအီ အီ ရုဝ်ဆေ ဇဝ်ဖြာ၊ ဂေ ညှိုမ် ဘိုင် ဇဝ်ဖြာ။ အန် ဇဝ် ဘော မုး အီ စွယ် အီ ရဲ အီ ဂွင့် ဂေ။

12 ဇဝ်ဖြာ တူ ပိဝ် အေ။ အန် ဒီ မွင့်ကာရာ တဲး ဒီ အေ။ အန် ဇဝ် ဒီ ဘော မွင့်ကာရာ တဲး ဒီ ဂေ ဒူအီ အီဆာရေလ ဘော ဒီ ဂေ ဒူအီ အီ လှူ ဒီ ဇဝ်ဖြာ ဒွန် အီ။

13 အန် ဇဝ် ဒီ ဘော မွင့်ကာရာ တဲး ဒီ ဂေ အီ ရုဝ်ဆေ အန်။ ဘော မုး အာဆေ အာဝ် တဝ်း၊ အန် မွင့်ကာရာ တဲး ဒွန် အီ။

14 ဇဝ်ဖြာ ဒီ တဲး လှုက်လှာန် ဘေ ဘြဲ ကိူန်။

15 အန် ဇဝ် အီ ဟဲ့ ဖာန် ဘ့လေး ဘော ကာဒါယ် ဘော ဂါင်ဟြာဝ်၊ အန် ဇဝ် ဟဲ့ မွင့်ကာရာ တဲး ဒီ ဘေ။

16 ဂါင်ဟြာဝ် ဘော မုး ကြုဝ် အန် ဇဝ်။ ကာဒါယ် အန် ဇဝ် ယီ တဲး ဒူအီ ကွယ်။

17 ဂေ ဒူအီ ယမ် အီ လူင် မိူင် မာရာန၊ ဂေ တူ ပွိုန် ဒီ အိူပ် ဇဝ်ဖြာ။

18 န့ ယီ မုး အေ ဒူအီ အိမ် ဒေါ တီ နီ၊ တဲး အေ ဒါင် ဂုင် ဂေဇူ ဒီ ဇဝ်ဖြာ ဘော အိူပ် အန် ဆေဆေ။ တဲး အေ အိူပ် ဇဝ်ဖြာ။