1 တဲး အေ အိူပ် မျုက် ဇဝ်ဖြာ။ အိုယ် ဘေ ဒဲစေန့် ဇဝ်ဖြာ၊ တဲး အေ ကာဖြူမ် ဒီ အိူပ် ဇဝ်ဖြာ။

2 တဲး ဒူအီ အိူပ် အန် ဇဝ် ဘဲန် ဇာတ် ဘဲန် ဇာတ်။

3 စုး ဒူင် လေး ဆီငဲ ကော ဇမ် ဒူင် ဂေတ့် ဆီငဲ၊ တဲး ဒွန် မျုဝ် အိူပ် မျုက် ဇဝ်ဖြာ။

4 အေ အိူပ် မျုက် ဇဝ်ဖြာ အီ အိုပ် တူတ့် ဒူအီ ဒွန် မျုဝ် ဒဲင် ကာဒါယ်။ အေ အိူပ် မျုက် အာဖုင် ဒင်ခုဝ် အန် ဇဝ် အီ အိုပ် တူတ့် ဘော ခဲင် ဂါင်ဟြာဝ်။

5 အာဝ် မိုဝ်း ဇဝ်ဖြာ ပေါ အူ ကာဒင် အီ ပီ ဇဝ်ဖြာ အေ နီ။ အန် ဇဝ် ဘော ကွယ် ဒူင် စာ။

6 မီ အန် ယွတ် လူင် ဘော ဂါင်ဟြာဝ် ဘော ကာဒါယ်။

7 အန် ဇဝ် ဘော တဲး ဂေ ဒူအီ ဂိန် လေး ခဲင် ကာပုး။ အန် ဘော တဲး ဂေ ဒူအီ အေတ့် လေး ခဲင် ဖုန်။

8 အန် ဇဝ် ဘော ဝီ တဲး ဂေ ကွယ် ဒူပ် ဂွန် ခုန်ဒီခမ်၊ အီ မုး ဒါ တာင် အီ အိုပ် ဒူအီ အာမျုဝ် အန်။

9 အီဘိုန့် မှန် အီ တူ မိုဝ်း ဂွန်၊ အန် ဇဝ် ဝီ ဘူင် တဲး ဂေ ဝီ ဘျုဝ် ဒါခိုယ်၊ ဝီ တဲး ဂေ ဝီ မိုဝ်း ကာင်၊ မိုဝ်း ဂွန်။ တဲး အေ အိူပ် ဇဝ်ဖြာ။