1 အိုယ် မဲ ဇဝ်ဖြာ၊ အုဝ် ဒီ တဝ်း မှုဝ် လွင် နဝ်း မဲ အီ ရွက့်၊ အီ ဘူင် နာ မုး နာ မှာန် ဆေဆေ။ အုဝ် ဒီ အိူပ် မဲ ဇဝ်။

2 အုဝ် ဒီ ဆာဒိက် ဒီ ဒူပ် ဒါရာ၊ ကွဲ့ တဲး အုဝ် ဘူင် မှာပ်။ အုဝ် ဆီ တဲး မဲ ဇဝ် တး ကွယ် ရိုမ် ဒူပ် အုဝ်။ ခဲင် ကာင် အုဝ်၊ အုဝ် ဒီ ဘော ဘူင် နာ ဘွတ် နာ မွှိုမ်၊ ကွဲ့ တဲး အီ ဟဝ် ကာလာင် နာ တူ မွှိုမ် လွင် အုဝ်။

3 အီ တူ မွှိုမ် အုဝ် မိူဝ် တူ တဲး ကွယ် ခူပ် အုဝ်။ အုဝ် ဘော ကာအိး ကာဆဝ် ပီ ဘူင် ဂေ အီ တူ ရုဝ်ဆေ ဇဝ်ဖြာ။ အုဝ် မိူဝ် တူ တဲး အုဝ် လာယ် ဘာ့ ဒီ ဂေ။

4 ဂေ အီ မိုဝ်း နဝ်း ဂုဝ့် နဝ်း ဂဲ့၊ အုဝ် မိူဝ် တူ တဲး ဂေ ကွယ် ခူပ် အုဝ်။ အီ တူ မွှိုမ် ဒွန် မျုဝ်၊ အုဝ် တူ လုဝ် ဒေါ မှဝ်။

5 ဆေ ဒူအီ ပြာ ဒီ ဖျာက် အီ ဟဝ်၊ အုဝ် ဒီ ပျာတ့် ဝဲန် အန်။ ဆေ ဒူအီ ပီခိုက် ပီဖုင် အန် ဒဲင် အီ ဟဝ်၊ အုဝ် မိူဝ် တူ ခမ် ဒေါ မှဝ်။

6 ဆေ ဒူအီ ယီ မိုဝ်း နဝ်း ဆိူဝ် နဝ်း မှာန် ဆေဆေ၊ အုဝ် ဒီ ဘော စွယ် အန်။ အုဝ် ဒီ တဲး အန် ကွယ် ရိုမ် ဒူပ် အုဝ်။ ဂေ အီ မိုဝ်း နဝ်း မှာန်၊ ဂေ ဒီ ပွိုန် ဒီ ဘဲန် ဒဲစေန့် အုဝ်။

7 ဂေ အီ နပ် ဒီ ကာလုဝ် ဆေဆေ၊ ဂေ ယီ တူ ပွိုန် ဒီ ကွယ် ခဲင် ဟုဝ် အုဝ်။ ဂေ အီ ညိုင်ရာင် ဘွတ်၊ ဂေ မိူဝ် တူ ပွိုန် ဒီ ကွယ် ခူပ် အုဝ်။

8 ဒွန် ဆိန့်ဝး၊ အုဝ် ဒီ ဘော ပျာတ့် ဝဲန် ဒူအီ တူ မွှိုမ် အီ ကွယ် ခဲင် မိူင် အုဝ်။ အုဝ် ဒီ ဒိုဝ်း ဝဲန် ဒူအီ ဟာယ် ဒူအီ မိူက် ဒွန် အီ အီ ကွယ် ခဲင် မိူင် ပီ အိုပ် ဇဝ်ဖြာ။