1 အိုယ် မဲ ဇဝ်ဖြာ၊ ဆေဆေ အုဝ် ဟဲ့ ဘူင်၊ ကွဲ့ တဲး န့ မိုဝ်း မာဆေ ပီ ပွိုန် ကာလာင် အီ ဟဝ် လွင် အုဝ်။ ခုဝ်၊ အုဝ် မှာန့်၊ တဲး မဲ တဲး အီ ဟဝ် နပ် လွင် အန် တီ။ အုဝ် ဟဲ့ ဘိုင် မဲ ဇဝ်ဖြာ ဆေဆေ၊ တူ တဲး နဝ်း အုဝ် ဘျွင်။

2 တဲး မဲ ဇဝ်ဖြာ ထေဝ် ဒီ ယွတ် နဝ်း အုဝ်၊ တဲး န့ လိုဝ်း ပီ ပါယ် နဝ်း အုဝ်၊ တဲး မဲ နပ် ပီ ပါယ် အာကျာမ် အာငျာန် အုဝ်။

3 ခုဝ်၊ အုဝ် ဘော လှုဝ်း ဆေဆေ ခဲ့ ရွက့် မဲ ဇဝ် ဒီ အုဝ်။ အုဝ် ဘော ဘူင် နာ မွှိုမ် နာ မှာန် ပီ အိုင် မဲ ဇဝ်ဖြာ ဆေဆေ။

4 အုဝ် မိူဝ် တူ ကွယ် ရိုမ် ဒူပ် ဂေ အီ ဆီမာ ကာလုဝ်။ အုဝ် မိူဝ် တူ ဒူပ် ဖိုင် ဂေ အီ နပ် ဒီ ညိုင်ရာင် ဘွတ်။

5 အုဝ် ဘော ဇွင့် ဂေ အီ ဘူင် နာ တူ မွှိုမ်။ အုဝ် မိူဝ် တူ ကွယ် ရိုမ် ဒူပ် ဂေ ဒူအီ မိူက်၊ ဒူအီ ဟာယ်။

6 မဲ ဇဝ်ဖြာ၊ အုဝ် ဟဲ့ ဘာယ် ဒဲ အုဝ်၊ တဲး အီ နပ်၊ နဝ်း အုဝ် ဟဲ့ လုယ်။ ခုဝ်၊ အုဝ် ဘော ပွိုန် ဒီ ဟာဝ် ဒီ ကာစှူင့် လှူ မဲ။

7 အုဝ် ဘော တဝ်း မှုဝ် အီ အိူပ် ဂုင် ဂေဇူ မဲ ဇဝ်။ အုဝ် ဒီ ကာလာင် ဘော အီ မွှိုမ် အာမ် ပဲ့ ဟဲ့ ဘူင် မဲ ဇဝ် ဒွန် မျုဝ်။

8 အုဝ် ဘော ရွက့် ဟုဝ် အီ မုး ဒူင် ကွယ် မဲ ဇဝ်။ အုဝ် ဘော အိုင် ဒီ ကွယ် ဒူင် လိုဝ်း အာဖုင် ဒင်ခုဝ် မဲ ဇဝ်ဖြာ။

9 အုဝ် မှာန့်၊ ကွဲ့ တဲး မဲ ဝဲန် အုဝ် ဒူပ် ဂေ အီ မိုဝ်း မှာပ်။ ကွဲ့ တဲး အာဆာက် အုဝ် စှိုမ် ပီ ဂေ အီ ဟဲ့ ငဝ်း ယမ် ဒူအီ။

10 ဒူအီ ဇိုဝ် တီ၊ ဂေ ဘော နပ် ဒီ ဘူင် မီ အီ တူ မွှိုမ်။ ဂေ ဘော နပ် ဒီ မှာန့် ရွိုန် ဒီ အီ ဆေဆေ။

11 အီ မုး အုဝ်၊ အုဝ် ဘူင် ကွဲ့ တဲး န့ မိုဝ်း မာဆေ ပီ ပွိုန် ကာလာင် အီ ဟဝ် လွင် အုဝ်။ အုဝ် မှာန့်၊ တဲး မဲ ဇဝ် ချွတ် အုဝ် ဘော ကာဝေ အုဝ်။

12 န့ ဘော ပီ အုဝ် ဟဲ့ ပွိုန် ဒီ ဟာဝ် ဒူင် ဂ့လင် ဆီချာ။ အုဝ် ဒီ ဝီ အိူပ် မဲ ဇဝ်ဖြာ ကာတဲ ဂေ ဒူအီ ကိူန်။