1 ဒူအီ ဂေ နီ ဘော မုး လှုက်လှာန် အာရူန်။ အာရူန် ယီ မိုဝ်း ဂွန် အီမာယ် ဖွုန် ဝီ အီ စိူဝ် အာနာဒါပ်၊ အာဘီဟူ၊ အာလေအာဆာ ဘော အာအီထာမာ။ 2 အာနာဒါပ် ဂါယ် အာဘီဟူ ယီ ဟဲ့ ယမ် ဟာဝ် ဒီ အာတ့် ဂုန့် ဂါယ်။ ဂါယ် ယီ တူ မိုဝ်း ဂွန်။ ဝါ ဂါယ် အီ မုး အာလေအာဆာ ဘော အာအီထာမာ ယီ ဝီ ဘဲန် ဒါ အီ လှူ ဒီ ဇဝ်ဖြာ။ 3 အာဇာဒူက် အီ မုး လှုက်လှာန် အာလေအာဆာ၊ ဘော အာဟီမာလေက် အီ မုး လှုက်လှာန် အာအီထာမာ၊ ဂေ စွယ် ခုန်ဒီခမ် အာဒါဝိတ်၊ တဲး အန် ကာယဝ်း ဂေ လှုက်လှာန် အာရူန် ဘဲန် ဖိုင် ဘဲန် ဖိုင် ဘူင် ဂါန် ပီ လုဝ် ဘူင် ဂေ။ 4 လှုက်လှာန် အာလေအာဆာ အီ မုး ဒါ တာင် အီ အိုပ် အီ ယဲတ့် အီ ဟဝ်၊ ဂေ ယီ ကိူန် လွှိုမ် ဒါ တာင် အီ မုး လှုက်လှာန် အာအီထာမာ။ ခုဝ်၊ ဂေ ဝီ ဒါင် ဒါ တာင် အီ မုး လှုက်လှာန် အာလေအာဆာ ဂိုဝ် ဒီ ဒဝ် ဝီ ဘော ဒါ တာင် အီ မုး လှုက်လှာန် အာအီထာမာ ဒါ ဝီ။ 5 ဂေ ဘော ဒိုဝ်း စိူဝ် ဒွန် အီ၊ ဝီ ကာတာမ် ရဝ်း ဘော ခဲင် ဒူအီ အာလေအာဆာ ဘော ခဲင် ဒူအီ အာအီထာမာ၊ တဲး ဂေ ဘဲန် ဒါ ကာညာ အီ အိုပ် ဟုဝ် ဇဝ်ဖြာ ဘော ဒါ ကာညာ အီ အိုပ် ဂါန် ဇဝ်ဖြာ ဘဲန် မျုဝ် ဘဲန် မျုဝ်၊ ပဲ့ ဟဲ့ လာယ် ကာယဝ်း ဂေ။

6 အာဆေမာယာ အီ မုး ဂွန် အာနေထာနေလာ အီ မုး ဒူအီ အာမျုဝ် အာလေဝီ၊ အန် ဘော ဘဲန် ဒါ စာရေ တာင်။ အန် မိူဝ် ဒဲမ် ဇာရာင် ဒူအီ ဂေ တီ ဒေါ ကွယ် အန် ဒီ အာတ့် ခုန်ဒီခမ် ဘော ဂေ ဒါ ကာညာ အီ အိုပ် မိူင်။ အန် ကွယ် ဘော နာ အာတ့် ဒါ အီ လှူ ဒီ ဇဝ်ဖြာ အီ စိူဝ် အာဇာဒူက် ဂါယ် အာဟီမာလေက် အီ မုး ဂွန် အာဘာထာ။ အန် ကွယ် ဘော နာ အာတ့် ဂေ ဒူအီ အီ အိုပ် အီ ယဲတ့် ဂေ ဒူအီ အီ လှူ ဒီ ဇဝ်ဖြာ ဘော နာ အာတ့် ဂေ ဒူအီ ခြိုဝ် အာလေဝီ။ ဂေ ဘော ဒဲမ် ဇာရာင် စိူဝ် ဂေ ဒူအီ အာလေအာဆာ။ ဂေ ဟဲ့ ဟွတ့် ဒဲမ် အူ ဝီ၊ ဂေ ပီ ဝီ ဒဲမ် စိူဝ် ဒူအီ အာအီထာမာ အူ ဝီ၊ တဲး န့ လာယ် ကာခန် လာယ် ကာခန်။

7 ပီ ကာတာမ် ဒေါ ဂုဝ် ဘော လေး အာယေဟုဝ်ယာရိပ်။ ကာတာမ် ဟာအာ ဘော လေး အာယီတာယာ။

8 ပီ ကာတာမ် ဟာအူယ် ဘော လေး အာဟာရိမ်။ ကာတာမ် မ့ဖွုန် ဘော လေး အာဆောရိမ်။

9 ကာတာမ် မ့ဖန် ဘော လေး အာမာလာခီယာ။ န့ဒဝ် ဘော လေး အာမီယာမိန်။

10 ပီ ကာတာမ် မ့ဘူ ဘော လေး အာဟာခူတ်။ ပီ ကာတာမ် န့ဒါ ဘော လေး အာဖီယ။

11 ပီ ကာတာမ် န့ဒိမ် ဘော လေး အာယောဆူ။ ပီ ကာတာမ် ဂိုဝ် ဘော လေး အာဆေခါနီ။

12 ပီ ကာတာမ် ဂိုဝ် ဒီ လှေး ဘော လေး အာအေလာဆေပ်။ ပီ ကာတာမ် ဂိုဝ် ဒီ ဟာအာ ဘော လေး အာယာခိမ်။

13 ပီ ကာတာမ် ဂိုဝ် ဒီ ဟာအူယ် ဘော လေး အာဟူဖာ။ ပီ ကာတာမ် ဂိုဝ် ဒီ မ့ဖွုန် ဘော လေး အာယေဆေဘာပ်။

14 ပီ ကာတာမ် ဂိုဝ် ဒီ မ့ဖန် ဘော လေး အာဘီလာဂါ။ ပီ ကာတာမ် ဂိုဝ် ဒီ န့ဒဝ် ဘော လေး အာအီမေရာ။

15 ပီ ကာတာမ် ဂိုဝ် ဒီ မ့ဘူ ဘော လေး အာဟေဇီရာ။ ပီ ကာတာမ် ဂိုဝ် ဒီ န့ဒါ ဘော လေး အာအာဘာစေတ်။

16 ပီ ကာတာမ် ဂိုဝ် ဒီ န့ဒိမ် ဘော လေး အာဘေဆာဟီ။ ပီ ကာတာမ် အာ ဂိုဝ် ဘော လေး အာယေဟေဆေခေန်။

17 ပီ ကာတာမ် အာ ဂိုဝ် ဒီ လှေး ဘော လေး အာယာခိန်။ ပီ ကာတာမ် အာ ဂိုဝ် ဒီ ဟာအာ ဘော လေး အာကာမူလ။

18 ပီ ကာတာမ် အာ ဂိုဝ် ဒီ ဟာအူယ် ဘော လေး အာဒေလာယာ။ ပီ ကာတာမ် အာ ဂိုဝ် ဒီ မ့ဖွုန် ဘော လေး အာမာဇီယာ။

19 ဒူအီ ဂေ တီ၊ ဂေ ဟဲ့ လိုပ် ခဲင် ဇာရာင် ဒူအီ အီ လုဝ် လာယ် ကာပ့လု ဘူင် ဂါန် ခဲင် ဟုဝ် ဇဝ်ဖြာ၊ တဲး န့ ဒူပ် ပီ ဒွိုမ် ဘူင် အုန် ဂုန့် ဒင် ဂေ အီ မုး အာရူန် တွိုန်၊ တဲး န့ ဘော ဒူပ် ဘော ပီ ကာလာင် အုန် ဇဝ်ဖြာ အီ မုး ဇဝ်ဖြာ ပီ ကြိုပ် ဂေ ဒူအီ အီဆာရေလ။

20 ခဲင် ဂွန် အီမာယ် အာမာရမ် ဘော မုး အာဆေဘူလာ။ ဂွန် အာဆေဘူလာ ဘော စိူဝ် အာယေဒေယာ။

21 ခဲင် ဂွန် အာရေဟာဘီ ဘော မုး အာအီဆီယာ။

22 ခဲင် ဂွန် အာအီဇာရာ ဘော မုး အာဆေလောမူတ်။ ခဲင် ဂွန် အာဆေလောမူတ် ဘော မုး အာယာဟာတ်။

23 ခဲင် ဂွန် အီမာယ် အာဟေဘြုဝ် ဘော မုး အာယေရီယာ အီ မုး ဂွန် ဂိန့်၊ အာမာရီယာ ဘော မုး ဝီ ဟာအာ၊ အာယာဟာဇေလာ မုး ဝီ ဟာအူယ် ဘော အာယေကာမမ် မုး ဝီ မ့ဖွုန်။

24 ခဲင် ဂွန် အာအူဆီအေန် ဘော မုး အာမီခါ။ ခဲင် ဂွန် အာမီခါ ဘော မုး အာဆာမီရာ။

25 ဝါ အာမီခါ တီ ဘော မုး အာအီဆီယာ။ ခဲင် ဂွန် အီမာယ် အာအီဆီယာ ဘော မုး အာဆာခါရာ။

26 ခဲင် ဂွန် အီမာယ် အာမေန်ရာရီ ဘော မုး အာမာလီ ဂါယ် အာမူဆီ။ ဂွန် အာယာစီ ဘော မုး အာဘေနော။

27 ခဲင် ဂွန် အာယာစီ အီ မုး ဂွန် အာမေန်ရာရီ ဘော မုး အာဘေနော၊ အာဆောဟမ်၊ အာဇာကူရာ ဘော အာအီဘာရီ။

28 ခဲင် ဂွန် အီမာယ် အာမာလီ ဘော မုး အာလေအာဆာ တွိုန် အီ တူ မိုဝ်း ဂွန် အီမာယ်။

29 ခဲင် ဂွန် အီမာယ် အာကီဆာ ဘော မုး အာယေရာမေအေန်။

30 ဘော ဂေ ဂွန် အာမူဆီ ဘော မုး အာမာလီ၊ အာအေဒေ ဘော အာယေရီမုတ်။ ဒူအီ ဂေ တီ ဂေ ဘော မုး ဒူအီ ခဲင် ခြိုဝ် အာလေဝီ အီ ဒူပ် န့ဟူမ် ဂေ။

31 ဒူအီ ဂေ တီ ဟဲ့ ကာတာမ် ပီ ဘီနွင် ဂေ အီ မုး လှုက်လှာန် အာရူန် တွိုန်။ ဂေ မိူဝ် ဟဲ့ ကာတာမ် ဒီ အာတ့် ခုန်ဒီခမ် အာဒါဝိတ် ဘော ဒီ အာတ့် အာဇာဒူက် ဂါယ် အာဟီမာလေက် ဘော နာ အာတ့် ဂေ ဒူအီ အီ အိုပ် အီ ယဲတ့် န့ဟူမ် ခဲင် ခြိုဝ် အာလေဝီ။ ဒေါ ကာတာမ် ဂေ၊ ဂေ ဘော ဒဲမ် ဘော စိူဝ် အီကတ် ဘော စိူဝ် ဝါ၊ တဲး န့ ကာရမ် ဒွန် အီ။