1 အာအီဆာရေလ မိုဝ်း ဂွန် အီမာယ် ဂိုဝ် ဒီ အာ ဝီ။ ဂေ စိူဝ် အာရူဘေန်၊ အာဆီမေအူန်၊ အာလေဝီ၊ အာယူဒါ၊ အာအီဆာခါ၊ အာဇေဘူလူန်၊ 2 အာဒါန်၊ အာယုဝ်၊ အာဘေန်ယာမ်၊ အာနာပ်ထာလီ၊ အာဂတ် ဘော အာဆေန်။

3 အာယူဒါ ပီ ဝီ မိုဝ်း ဂွန် အီမာယ် အူယ် ဝီ။ ဂေ စိူဝ် အာအေရာ၊ အာအောနန် ဘော အာဆေလာ။ မာ အန် အူယ် ဝီ တီ ဘော မုး နာင် ဘေတ်ဆူအာ အီ မုး ဒူအီ အာမျုဝ် ကာနန့်။ ဂွန် ဂိန့် အာယူဒါ အီ စိူဝ် အာအေရာ၊ အန် ဟာယ် ကာဆဝ် တဲး ဇဝ်ဖြာ ကော ငဝ်း ယမ် အန်။ 4 အာယူဒါ ပီ ဝီ မိုဝ်း ဂွန် အီမာယ် ပေါ အာ ဝီ ဒီ အဝ် အန် အီ စိူဝ် နာင် ထာမာ။ ဂွန် ဂါယ် တီ ဘော စိူဝ် အာဖေရေတ် ဂါယ် အာဇေန်ရာ။ ဂွန် အာယူဒါ ဘောကာဂ့လျီတ် မိုဝ်း ဖန် ဝီ။

5 အာဖေရေတ် ပီ ဝီ မိုဝ်း ဂွန် အီမာယ် အီ စိူဝ် အာဟေဇာရူန် ဂါယ် အာဟာမူလ။

6 ဂွန် အာဇေန်ရာ ပီ ဝီ မိုဝ်း ဂွန် အီမာယ် ဖန် ဝီ အီ စိူဝ် အာဇီမာရီ၊ အာအေထာန်၊ အာဟေမာန်၊ အာကာကောလ ဘော အာဒါရာဒါ။

7 ဂွန် အာခါမီ အီ စိူဝ် အာခါ၊ အန် ဘူင် တဲး န့ ဘဲန် ဒုက် ညှာပ် ဒီ ဒူအီ အီဆာရေလ ကူပ် ဟဲ့ ဂဲပ် အုန် အန် ကြုဝ် ပီ ဒိူင် ဇဝ်ဖြာ။

8 အာအေထာန် မိုဝ်း ဂွန် အီမာယ် အူ ဝီ အီ စိူဝ် အာဇာရီယာ။

9 အာဟေဇာရူန် မိုဝ်း ဂွန် အီမာယ် အူယ် ဝီ။ ဂေ စိူဝ် အာယေရာမေအေန်၊ အာရာမာ ဘော အာဂါလိပ်။

10 အာရာမာ ဘော မိုဝ်း ဂွန် အီ စိူဝ် အာမီနာဒါပ်။ အာမီနာဒါပ် ဘော မုး ဂုန့် အာနာဆူန် အီ ဘဲန် ဒါ ကာညာ အီ အိုပ် ဂေ ဒူအီ အာမျုဝ် ယူဒါ။ 11 အာနာဆူန် ဘော မုး ဂုန့် အာဆာလာမူန်။ အာဆာလာမူန် ဝီ မုး ဂုန့် အာဘုဝ်အာပ်။ 12 အာဘုဝ်အာပ် ဝီ မုး ဂုန့် အာအုဝ်ဘေတ်။ အာအုဝ်ဘေတ် ဘော မုး ဂုန့် အာယေဆေ။

13 အာယေဆေ ဝီ မိုဝ်း ဂွန် အီမာယ် ဘူ ဝီ။ အာအေလီအာပ် ဘော မုး ဂွန် ဂိန့် အန်။ ဝီ ဟာအာ ဘော မုး အာဖီနာဒါပ်။ ဝီ ဟာအူယ် ဘော မုး အာဆီမာ၊ 14 ဝီ မ့ဖွုန် မုး အာနေထာနေလာ၊ ဝီ မ့ဖန် မုး အာရတ်ဒေ၊

15 ဝီ န့ဒဝ် မုး အာအုဝ်ဇေမ်၊ ဝီ မ့ဘူ မုး အာဒါဝိတ်။ 16 အာယေဆေ မိုဝ်း ဘော ဂွန် အီဘိုန့် အာ ဝီ အီ စိူဝ် နာင် စေရူယာ ဘော နာင် အေဖီဂေလာ။ နာင် စေရူယာ တီ ပီ ဝီ မိုဝ်း ဂွန် အီမာယ် အူယ် ဝီ အီ စိူဝ် အာဖီဆေ၊ အာယောဖ ဘော အာဆာဟေလ။ 17 နာင် အေဖီဂေလာ ဘော မိုဝ်း ဂွန် အီမာယ် အီ စိူဝ် အာမာဆာ။ အီမာယ် အန် မုး ဒူအီ အာမျုဝ် အာဆာမာန် အီ စိူဝ် အာယေဆာ။

18 အာဟေဇာရူန် ဘော မိုဝ်း ဂွန် အီမာယ် အီ စိူဝ် အာဂါလိပ်။ အာဂါလိပ် တီ ဟဲ့ ဒိုဝ်း နာင် အေစူဖ ဘော နာင် ယေရူတ်။ နာင် အေစူဖ ဝီ မိုဝ်း ဂွန် အီမာယ် အူယ် ဝီ။ ဂေ စိူဝ် အာယေဆာ၊ အာဆောဘာပ် ဘော အာထုန်။ 19 ဝါယ် ယမ် နာင် အေစူဖ၊ အာဂါလိပ် ပီ ဝီ ဒိုဝ်း နာင် အေဖာရာတ်၊ ပီ ဝီ မိုဝ်း ဂွန် အီမာယ် အူ ဝီ အီ စိူဝ် အာဟူရာ။ 20 အာဟူရာ ပီ ဝီ မိုဝ်း ဂွန် အီ စိူဝ် အာအူရီ။ အာအူရီ ပီ ဝီ မိုဝ်း ဂွန် အီ စိူဝ် အာဘေဇာလေန်။

21 ဒေါ ဟဲ့ နုဝ့် အာဆာက် အာဟေဇာရူန် ဒဝ် ဂိုဝ် ဆီနမ်၊ အန် ဝီ ခတ် ဒိုဝ်း ဂွန် အီဘိုန့် အာမာခီရာ အီ မုး ဂုန့် အာဂီလေအာတ်။ ဂါယ် ဝီ မိုဝ်း ဂွန် အီ စိူဝ် အာဆေကူပ်။ 22 အာဆေကူပ် ပီ ဝီ မိုဝ်း ဂွန် အီမာယ် အီ စိူဝ် အာယာအီရာ။ အာယာအီရာ တီ ဘော ပွိုန် ဒီ အိုပ် မိူင် အာ ဂိုဝ် ဒီ အူယ် မိူင် အီ ကွယ် ခဲင် ကာဒါယ် မိူင် ဂီလေအာတ်။ 23 မာလဲ၊ အာဂေဆူရာ ဘော အာရာမ် ဘော ဝီ ကာဂုဝ်း ပွိုန် မိူင် အာဒါ ဒဝ် ဂိုဝ် မိူင်။ န့ ဘော ဘာ ဘော မိူင် ဟာဝူတ်ယာအီရာ ဘော မိူင် ကေနာတ် ဘော ရဝ် ဂေ အီ ကွယ် ကာတတ် မိူင် တီ။ ဂေ ဒူအီ အီ ကွယ် ခဲင် မိူင် တီ၊ ဂေ ဘောကာဂ့လျီတ် မုး လှုက်လှာန် အာမာခီရာ အီ မုး ဂုန့် အာဂီလေအာတ် တွိုန်။

24 ဝါယ် ဟဲ့ ဟွတ့် ယမ် အာဟေဇာရူန် ဒီ မိူင် ဂါလီပ်အေဖာထာတ်၊ နာင် အေဖီယာ အီ ဟဲ့ ဘဲန် ယာ ဆီပြး ဘော ဝီ မိုဝ်း ဂွန် အီမာယ် အီ စိူဝ် အာဆူရာ။ အာဆူရာ ဝီ ဘဲန် ဂုန့် အာဒေကော။

25 ဂွန် ဂိန့် အာဟေဇာရူန် အီ စိူဝ် အာယေရာမေအေန် ဝီ မိုဝ်း ဂွန် အီမာယ် ဖန် ဝီ။ ဂေ စိူဝ် အာရာမာ အီ မုး ဂွန် ဂိန့် ဘော အာဘုန်၊ အာအုဝ်ရိန်၊ အာအုဝ်ဇေမ် ဘော အာဟီယာ။ 26 အာယေရာမေအေန် ပီ ဝီ မိုဝ်း အီဘိုန့် ပေါ အူ ဝီ အီ စိူဝ် နာင် အေတာရ။ နာင် အေတာရ တီ ဘော ဘဲန် မာ အာအုဝ်နာမ်။

27 ဂွန် ဂိန့် အာယေရာမေအေန် အီ စိူဝ် အာရာမာ တွိုန်၊ အန် ဝီ မိုဝ်း ဂွန် အူယ် ဝီ။ ဂေ စိူဝ် အာမာဇာ၊ အာယာမိန် ဘော အာအေကာ။

28 အာအုဝ်နာမ် ဝီ မိုဝ်း ဂွန် အီမာယ် အီ စိူဝ် အာဆာမယ် ဘော အာယာတာ။ အာဆာမယ် ပီ ဝီ မိုဝ်း ဂွန် အီမာယ် အီ စိူဝ် အာနာဒါပ် ဘော အာဖီဆူရာ။

29 အာဖီဆူရာ ဝီ ဒိုဝ်း နာင် အေဖီဟေလာ။ ဂါယ် ဝီ မိုဝ်း ဂွန် အီမာယ် အီ စိူဝ် အာပန် ဂါယ် အာမောလိတ်။

30 အာနာဒါပ် တွိုန် ဝီ မိုဝ်း ဂွန် အီမာယ် အီ စိူဝ် အာဆေလိတ် ဘော အာဘီမာ။ အာဆေလိတ် ယီ တူ မိုဝ်း ဂွန် ဘော ယမ်။

31 ဂေ ဂွန် အီမာယ် အာဘီမာ ဘော မုး အာအီဆီ အီ မုး ဂုန့် အာဆေမ်ဆန် တွိုန်။ အာဆေမ်ဆန် ဝီ မိုဝ်း ဂွန် အီမာယ် အီ စိူဝ် အာဘာလေ။

32 အာယာတာ အီ မုး ဝါ အာဆာမယ် တွိုန် ဝီ မိုဝ်း ဂွန် အီမာယ် အီ စိူဝ် အာယေဆာ ဘော အာယုဝ်နာထာန်။ အာယေဆာ ယီ တူ မိုဝ်း ဂွန် ဘော ယမ် ဟာဝ်။

33 အာယုဝ်နာထာန် ဝီ မိုဝ်း ဂွန် အီမာယ် အီ စိူဝ် အာဘေလေတ် ဘော အာဇဇာ။ ဒူအီ ဂေ တီ ဘောကာဂ့လျီတ် မုး လှုက်လှာန် အာယေရာမေအေန်။

34 အာဆေမ်ဆန် တူ မိုဝ်း ဂွန် အီမာယ်။ အန် မိုဝ်း မီ ဂွန် အီဘိုန့် ဒီလူယ်။ အန် ယီ မိုဝ်း ဒဲစေန့် အူ ဝီ အီ မုး ဒူအီ အဲဂိုပ် အီ စိူဝ် အာယာဟာ။ 35 အန် ဝီ တဲး ဂွန် အီဘိုန့် အန် အူ ဝီ ဝီ ခတ် ဒိုဝ်း အာယာဟာ တီ။ ဟဲ့ ဟွတ့်၊ ဂွန် အီဘိုန့် အန် တီ ဝီ မိုဝ်း ဂွန် အီမာယ် အူ ဝီ အီ စိူဝ် အာထယ် တဲး အန် ဝီ ပ့လု ဂုန့် အန်။

36 အာထယ် ဘော မုး ဂုန့် အာနာထာန်။ အာနာထာန် ဘော မုး ဂုန့် အာဇာဘာတ်။

37 အာဇာဘာတ် ဘော မုး ဂုန့် အာအေဖာလာ။ အာအေဖာလာ ဘော မုး ဂုန့် အာအုဝ်ဘေတ်။

38 အာအုဝ်ဘေတ် ဘော မုး ဂုန့် အာယေဟူ။ အာယေဟူ ဘော မုး ဂုန့် အာဇာရီယာ။

39 အာဇာရီယာ ဘော မုး ဂုန့် အာဟေလေတ်။ အာဟေလေတ် ဘော မုး ဂုန့် အာအေလာဆာ။

40 အာအေလာဆာ ဘော မုး ဂုန့် အာဆီဆာမယ်။ အာဆီဆာမယ် ဘော မုး ဂုန့် အာဆာလူမ်။

41 အာဆာလူမ် ဘော မုး ဂုန့် အာယေခါမီယာ။ အာယေခါမီယာ ဘော မုး ဂုန့် အာအေလီဆာမာ။

42 ဂွန် ဂိန့် အာဂါလိပ် အီ မုး ဝါ အာယေရာမေအေန် တွိုန် ဘော စိူဝ် အာမေဆာ။ အာမေဆာ ဘော မုး ဂုန့် အာစီဖ အီ မုး ဂုန့် အာမာရေဆာ။ အာမာရေဆာ ဝီ မုး ဂုန့် အာဟေဘြုဝ်။

43 အာဟေဘြုဝ် မိုဝ်း ဂွန် အီ စိူဝ် အာခုဝ်ရာ၊ အာထာဘုဝ်၊ အာရေခေမ် ဘော အာဆေမာ။ 44 အာဆေမာ ဝီ မုး ဂုန့် အာရာဟမ် အီ ဝီ ဘဲန် ဂုန့် အာယောခွမ် တွိုန်။ အာရေခေမ် ပီ ဝီ မိုဝ်း ဂွန် အီမာယ် အီ စိူဝ် အာဆာမယ်။ 45 ဂွန် အာဆာမယ် စိူဝ် အာမောန။ အာမောန ဝီ မိုဝ်း ဂွန် အီ စိူဝ် အာဘေတ်ဇူရာ။

46 အာဂါလိပ် ဝီ မိုဝ်း အီဘိုန့် တျီ့ အီ စိူဝ် နာင် အေဖာ။ အန် ဝီ မိုဝ်း ဂွန် အီမာယ် အီ စိူဝ် အာဟာရာန်၊ အာမောဇာ ဘော အာဂါဇေတ်။ ဂွန် အာဟာရာန် ဘော မုး အာဂါဇေတ်။

47 အာယာဒေ ဘော မိုဝ်း ဂွန် အီမာယ် အီ စိူဝ် အာရေဂေမ်၊ အာယုဝ်ထာမ်၊ အာဂေဆာမ်၊ အာဘေလိတ်၊ အာအေဖာ ဘော အာဆာဖာ။

48 အီဘိုန့် တျီ့ အာဂါလိပ် အီ စိူဝ် နာင် မာခါ တွိုန် ပီ ဝီ မိုဝ်း ဂွန် အီမာယ် အီ စိူဝ် အာဆေဘီရာ ဘော အာတီရဟာနာ။ 49 ဝါယ် အန် တီ ဂါယ် ပီ ဝီ မိုဝ်း ဂွန် အီ စိူဝ် အာဆာဖာ ဝီ အီ မုး ဂုန့် အာမာတမေနာ ဘော အာဆီဝါ။ အာဆီဝါ မုး ဂုန့် အာမာခါဘေနာ ဘော အာကီဘီယာ။ အာဂါလိပ် မိုဝ်း ဘော ဂွန် အီဘိုန့် အီ စိူဝ် နာင် အေဆော။ 50 ဂေ ဒူအီ တီ မုး တူတ့် လှုက်လှာန် အာဂါလိပ်။

ဂွန် အီမာယ် အာဟူရာ အီ မုး ဂွန် ဂိန့် နာင် အေဖာရာ၊ အန် စိူဝ် အာဆုဝ်ဘာန်။ အာဆုဝ်ဘာန် တီ ဘဲန် ဒင် မိူင် ကီရီယာတ်ယာရိမ်။ 51 ဂွန် အီမာယ် အာဟူရာ ဝီ ဟာအာ ဘော စိူဝ် အာဆာလာမာ။ အန် ဟဲ့ ဘဲန် ဒင် မိူင် ဘေတ်လဲမ် ဘော ဂွန် အီမာယ် အာဟူရာ အီ စိူဝ် အာဟာရေပ် အီ ဟဲ့ ဘဲန် ဒင် မိူင် ဘေတ်ကာဒေ။

52 အာဆုဝ်ဘာန် အီ ဟဲ့ ဘဲန် ဒင် မိူင် ကီရီယာတ်ယာရိမ် ဘော မုး ဂုန့် ဒင် ဂေ ဒူအီ အာမျုဝ် အာဟာရော ဘော ဒူအီ အာမျုဝ် အာမာဟေဆီ အူ ကာတဲ။ 53 ဒူအီ အီ ကွယ် ခဲင် မိူင် ကီရီယာတ်ယာရိမ် ဘော မုး ဒူအီ အာအီထာရိတ်၊ ဒူအီ အာဘူဟိတ်၊ ဒူအီ အာဆူမာဒိတ် ဘော ဒူအီ အာမီဆာရိတ်။ လှုက်လှာန် ဒူအီ ဂေ တီ ဟဲ့ ဘဲန် ဒူအီ ဇုဝ်ရာ ဘော ဒူအီ အေဆာတာလာ။

54 အာဆာလာမာ အီ ဟဲ့ ဘဲန် ဒင် မိူင် ဘေတ်လဲမ် တွိုန်၊ အန် ဘော ဘဲန် ဂုန့် ဒင် ဂေ ဒူအီ အာမျုဝ် အာနေတောဖာ၊ ဒူအီ အာမျုဝ် အာတ့်ရာဘေဒျောဖ၊ ဒူအီ အာမျုဝ် အာမာဟေဆီ အူ ကာတဲ၊ ဒူအီ အာမျုဝ် အာစောရိတ် ဘော ဒူအီ အာမျုဝ် ဇုဝ်ရိတ်။ 55 ဘော ဂေ ဒူအီ အီ ကွယ် ခဲင် မိူင် ယာဘေဇာ ဘော ဒူအီ အာမျုဝ် တီရာဆိတ်၊ ဒူအီ အာမျုဝ် ဆီမာဆိတ် ဘော ဒူအီ အာမျုဝ် စူခါဆိတ်၊ ဒူအီ ဂေ တီ မုး ဒူအီ အာမျုဝ် အာကီနီ ဘော တး ဒီ အာဟာမာတ် အီ မုး ဂုန့် ဒူအီ အာမျုဝ် အာရေခါပ် တွိုန်။