ᒥᔽᒋᒧᐅᓂᔪᐤ ᑲ ᒥᓯᓇᐊᐧᒃ
ᒪᑎᔪᐤ
ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
ᐊᔪᐅᒄ ᐅᔭ ᒪᑎᔪᐤ ᑲ ᐃᑎᓯᓇᐃᒐᑦ ᒥᔽᒋᒧᐅᓂᔪᐤ ᐊ ᐊᔨᒧᑕᐧᒃ᙮ ᐎᔾ ᐸᐃᒄ ᐊᓂᔭᔪᐛ ᒋᓴᔅ ᐅᒋᔅᒋᓄᐊᒧᐛᑭᓇ ᑲ ᓂᓱᓴᐳᔨᒋ᙮ ᒍᐤ ᐃᔪᐛ ᒋ ᒥᓯᓇᐊᒧᐛᐤ ᐅᔭ ᑲ ᒥᓯᓇᐃᒐᑦ᙮ ᐅᔭ ᒪᒃ ᑲ ᐃᑎᓯᓇᐃᒐᑦ ᒋ ᐎ ᐛᐸᑎᔭᐤ ᑕᑈ ᙭ᑕ ᐊᒋ ᐊᐎᔨᒋ ᐊᓂᔭ ᒋᓴᓴ, ᑕᑈ ᐊᐅᑯᓂ ᐊᓂᔭᔪᐛ ᑲ ᐃᑎᑯᒡ ᒋᓴᒪᓂᑐᐛ ᒐ ᐸᒋ ᐃᑎᓴᐛᔨᒋ ᐊᓐᑕ ᐊ ᑕᒡ᙮ ᐊᓂᔭ ᑕᓐ ᑲ ᐃᔅᒋᔄᔨᒋ ᐊᓂᔭᐧᑲ ᐛᔅᑭᒡ ᐅᒋᔅᒋᐛᐃᒐᓱᐛ ᐊᐅᑯᓐ ᐊᓂᔭ ᑲ ᐛᐎᑎᒧᐛᑦ ᐅᔭ ᐃᔪᐛ ᒐᒋ ᑕᑈᑎᒥᔨᒋ ᐊᔪᐅᒄ ᐅᔭ ᑕᑈ ᐅᒋᓴᐅᒋᒪᒧᐛᐛ᙮ ᒋ ᐎᑎᒧᐛᐤ ᑭᔭ ᑕᓐ ᑲ ᐃᓯ ᒋᔅᑯᑎᒪᒐᔨᒋ ᒋᓴᓴ ᐊ ᐊᔨᒧᑎᒥᔨᒋ ᒋᒋᒋᓯᒄ ᒋᓴᐅᒋᒪᐅᓂᔪᐤ᙮