Yɛshɔɔrɔ Mɛɛ
122
Ŋga pra yo ni pan na,“O sɛ o Tafun wre katoo kre.” Ni yiɛ na shɔ.
2 A Jerusalem jlonwee nyu
kpɔɔ kre na oo sɛ yire.
3 Pe Jerusalem sin mu chaa
a ki nyu titi.
4 Bawa Israel sele yire kro,
Nyiɛkpɔɔ leele pre kro
nyaari na shie
na o Tafun wre kaan mɛɛ,
imi na u ki yo pe pan kre.
5 Bawa Israel leele ŋulo fni
na pe leele kpra kuun.
6 E tali mbe Jerusalem
wejinyiŋge ta nyjila kro nu,
mbe mblɛ pan
ki kee tna pre peyɛ ta.
7 Wejinyiŋge ki kro chia kre na,
mbe wejinyiŋge kro ŋunu katoo.
8 Ni nyjɔɔlɔ, na ni chinlɛ,
na ni nɔɔlɔ ndra na,
ni yo na wejinyiŋge
ki kro chia kre na.
9 O Tafun Nyiɛkpɔɔ wre
katoo kre saara na,
mbe nyiɛtali mbe chia kre nyu.