2 Ne haazà is egkehuna he velinsuǥuen,

mid-ulaan din dini te kelibutan is lediyà he ziyà te kandin.

Ne zutun,

is menge etew he mibpemarka te tuus duen te langgam wey mid-azap dan haazà is ledawan dutun te langgam,

midtuvuan sikandan te menge memahù wey utew memesakit he menge vekukang.

3 Ne haazà is ikezuwa he velinsuǥuen,

mid-ulaan din diyà te zaǥat is lediyè he ziyà te kandin ne mibaluy is daǥat he lengesa he iring te lengesa te etew he minatey.

Ne zutun mibpematey is minsan hengkey ziyà te zaǥat he zuen din gehinawa.

4 Ne haazà is iketelu he velinsuǥuen,

is lediyà he ziyà te kandin,

mid-ulaan din diyà te menge wahig wey ebpuunan te menge wahig ne mibaluy he lengesa haazà is menge wahig.

5 Ne nezineg ku zutun is belinsuǥuen he impevantey te menge wahig,

ke sikandin te,

8 Ne zutun haazà is ikeepat he velinsuǥuen,

mid-ulaan din diyà te andew is lediyà he ziyà te kandin.

Ne haazà,

nehimu is andew he ebpeketutung te menusiyà.

9 Ne ǥeina te nengetutung is menge etew zutun te utew meinit,

midsumpalit dan is Megbevayà su iyan sikandin ebayàbayà dutun te kedresaya kandan,

iyan,

wazè dan iniyuǥi is memezaat he ulaula zan ne wazè dan daan bentuǥa is Megbevayà.

10 Ne haazà is ikelima he velinsuǥuen,

is lediyà he ziyà te kandin,

mid-ulaan din diyà te pinuuwà te kedhadì te mekehandekhandek he langgam.

Ne mibmerusirem utew is ginhedian dutun te langgam.

Ne tuus te utew merasey is silut te menge etew,

egkesepè dan en is dilè dan tenged te utew mesakit.

11 Ne minsan pa zutun wazè dan iniyuǥi is memezaat he menge ulaula zan,

kekenà,

midsumpalit dan nasì is Megbevayà he ziyà te langit tenged dutun te utew mesakit he menge vekukang.

12 Ne haazà is ikeenem he velinsuǥuen,

mid-ulaan din is lediyà he ziyà te kandin diyà te zekelà he wahig he egngezanan te Yupratis ne nemezahan dutun haazà is wahig su wey maandam is ibayà te menge hadì he ziyà ebpuun te zapit te edsilaan.

13 Ne neehè ku zutun is tetelu he menge utew memekehandekhandek he mezaat he mulin-ulin he henduen be te vakbak.

Midlepew is sevaha he ebpuun duen te vèbà te zekelà he deragun he iyan si Setanas,

ne is sevaha,

diyà medlepew puun te vèbà duen te langgam,

wey is sevaha zuen medlepew te vèbà te ebpeneuven ni Setanas.

14 Menge mezaat he mulin-ulin haazà he zuen dan gehem te kebaal te egkengein-inuwan.

Midsuǥù sikandan su ibpetiǥum kandan is menge sundaru te langun he menge hadì dini te kelibutan su zutun te egkevantug he andew te kedsilut,

egkengezaag sikandan te Megbevayà he Nengazen te langun.

15-16 Ne zutun nengetiǥum te menge mezaat he mulin-ulin is menge hadì wey is menge sundaru zan diyà te tanà he migngezanan te Ermegidun te kineǥiyan he Hibriyuhanen.

“Purungi niw pemineǥa heini,”

ke si Jesu Kristu,

“su iring te kebpekeuma te tekawen is kedlikù ku.

Is etew he kenà edlipezeng ne ed-endamen din is bisti zin,

he ke và dà egkeǥiya,

17 Ne zutun,

is ikepitu he velinsuǥuen,

mid-ulaan din diyà te keramag is lediyà he ziyà te kandin ne nezineg ku is egkaǥi he ziyà ebpuun te pinuuwà te edhadì he ziyà te simbahan,

ke sikandin te,

“Netapus en!”

18 Ne zutun nezineg ku is utew memezaǥing ne neserasab is kilat ne mibpemeransì ne midlinug te utew mezesen.

Sikan pa meseǥazi te etew haazà is linug he utew mezesen he iring dutun!

19 Ne kes dekelà he inged he Bebilunya,

neǥevà te tetelu he vahin ne nengerundus is langun he menge inged diyà te minsan hendei he ǥinhedian.

Ne wazà dutun melipati te Megbevayà is inged he Bebilunya he impeinum din te menge meǥinged dutun is binu he ziyà te tasa zin,

he ke và dà egkeǥiya,

impeǥezaman din kandan is utew mekelimlimezang he pauk din.

20 Ne nengehanew is langun he menge pulu ziyà te zaǥat.

Ne nengehanew zaan is langun he menge vuntud.

21 Ne mid-uzanan te utew zekelà he ǥiyew is menge etew.

Is keveǥat te kada sevaha zutun te ǥiyew,

ne menge kelimahan he kilu.

Ne is menge etew,

midsumpalit dan is Megbevayà tenged dutun te ǥiyew he insilut din kandan su utew nerasey sikandan dutun.