Duen hangyù ni Pablo ziyà te emiǥu zin he si Pilimun he tigKulusas. Hein nepirisu si Pablo ziyà te Ruma nekilala zin is etew he egngezanan ki Unisimu. Si Unisimu, uripen ni Pilimun su zutun he timpu, utew medmezakel is menge etew he uripen. Ne si Unisimu, mibpeleǥuyan din si Pilimun ne ziyà sikandin mekeaput te ki Pablo. Ne wazà meuǥet neketuu si Unisimu te Meupiya he Tudtulanen he impenurù ni Pablo ne nehimu sikandin he uǥup ni Pablo zutun te kedlised din diyà te pirisuwan.

Dutun te kegkehimuwa ki Unisimu he sakup ni Jesus, neisip ni Pablo he meupiya ke ed-husayen din si Unisimu wey si Pilimun su pudu zan en tumutuu ki Jesus. Iyan, egkahandek si Unisimu su zutun he timpu kenà supak te velaud te gubirnu emun edhimetayan te etew is ebpelaǥuy he uripen din wey ke ebpurungan din ebuǥela. Ne mibpesuratan ni Pablo si Pilimun te kedhangyù diyà te kandin he peseyluwa zin si Unisimu wey zewata zin daan.

Ne midtuu si Pablo he siguradu ed-uyun si Pilimun dutun te hangyù din su netuenan din he metazeng si Pilimun wey mahal ziyà te ǥehinawa zin si Jesus he Nengazen.