Is Tarù he Ketudluanan
4
Utew keladu is impesavut te Waǥas he Mulin-ulin he keuzemà te ketepusan he timpu zuen menge etew he kenè en edtuu te tutuu he tuluuwen,
kekenà,
iyan ebpemineǥen dan is impinted te menge teruen he menge mulin-ulin.
Ebpemineǥen dan is impenurù kandan te menge mezaat he mulin-ulin
2 pinaaǥi te menge tarù te menge uvag kun tumutuu he kenè en ibmezaat te ǥehinawa zan is menge mezaat he ulaula zan.
3 Ibpenurù dan he indawey te Megbevayà is kebpengesawa ne egkeǥiyen dan he zuen menge egkeenen he indawey zaan.
Iyan,
heini is menge egkeenen,
midlimbag te Megbevayà he egkeenen tew te menge tumutuu he nekesavut te tutuu he tuluuwen.
Ne kinahanglan he ebpeselematan tew te Megbevayà emun egkeenen tew.
4 Meupiya is minsan hengkey he egkeenen he midlimbag te Megbevayà ne kinahanglan he kenè tew egkeǥiyen he mezaat is minsan hengkey,
kekenà,
edewaten tew wey ebpeselematan tew.
5 Netuenan ta he meupiya is kegkeena ta kayi tenged te iyan migkaǥi te Megbevayà wey tenged te ebpeselematan tew.
Is Metinumanen he Suluǥuen
6 Emun ibpenurù nu heini ziyà te menge zuma he tumutuu egkehimu ka he metinumanen he suluǥuen ni Jesu Kristu.
Ne egkeheǥet is kedtuu nu pinaaǥi te ked-istudyu nu te tuluuwen tew wey pinaaǥi te kedhamen nu te hustu he impenurù kenikew.
7 Iyan,
likayi nu is menge penurù he menge tarù he ǥuǥud he kenà dait te Megbevayà.
Purungi nu tumana is egkesuatan te Megbevayà.
8 Duen deisek he pulus te kedlumbaza te lawa,
iyan,
utew zekelà is pulus te kedlumbaza te kedtuu ta su iyan ibmeupiya te kebpekesavuk tew minsan guntaan wey lavew en keuzemà ke ziyà ki en te langit.
9 Erubasa heini he utew tutuu ne kinahanglan he tuuwi te langun.
10 Tenged kayi ebpenigudu ki edhaǥù wey metuuwi heini te langun he menge etew su nekesarig ki en te wazè din kemetayen he Megbevayà ne iyan sikandin Menluluwas te langun he menge etew,
lavew en is menge tumutuu kandin.
11 Heini is menge suǥù ku wey penurù ku kenikew,
isuǥù nu wey ipenurù nu zaan diyà te menge zuma nu.
12 Minsan pa te menguhed ke pa,
kinahanglan he mezait ka he edtehuzen te minsan hentei;
kinahanglan he iyan ka ed-iringan te menge tumutuu ki Kristu,
ne tenged kayi kinahanglan he tegteǥami nu is kegkaǥikaǥi nu,
is ulaula nu,
is kebmahala nu te langun,
is kedsarig nu te Megbevayà,
wey is kedlikayi nu te meremerik he ulaula.
13 Taman te kenè e pa ebpekeuma ziyan,
iyan beeli nu is:
besaha nu is Lalag te Megbevayà diyà te menge etew.
Sembaǥi nu wey penurua nu sikandan.
14 Kenè nu lipati haazà is ketau he imbeǥey zengan kenikew te Megbevayà pinaaǥi te kebpenuvadtuvad te ebpeneuven wey pinaaǥi te kedempaa kenikew te menge ebmeǥurangen.
15 Hemeni nu wey purungi nu is kedtumana nu kayi te langun su wey metueni te langun is layun ked-iseg te kebpeketuman nu te egkesuatan te Megbevayà.
16 Purungi nu susiya is kenikew he ulaula wey is kebpenurù nu.
Su emun edhemenan nu heini kenà iyan ke zà is egkelibri te silut,
kekenà,
pinaaǥi kenikew egkehimu he egkelibri zaan is menge etew he ebpememineg te ibpenurù nu.