3 Ne ǥeina te menge sakup kew te Megbevayà kinahanglan he kenè niw ul-ulaha is keleleǥed wey is minsan hengkey he ulaula he meremerik.

Kenè niw hileveti is kenè niw esawa.

Minsan is ked-isipa wey kegkeǥiya kayi ne kenè niw ul-ulaha.

4 Kenè niw ǥemita is menge meremerik,

mahawag,

wey wazè din pulus he menge lalag,

kekenà,

layun dekelà is kebpeselemati niw te Megbevayà.

5 Su ibpesavut ku keniyu is utew tutuu.

Is etew he meremerik is ulaula zin wey ke edhilavet te kenè din esawa,

ne kenà sikandin egkehedian ni Kristu wey te Megbevayà.

Ne iring din ded daan is leǥezen he etew su is menge vutang he igkeleǥezi zin,

egkehimu he menge megbevayè din.

6 Su tenged kayi he menge ulaula,

utew egkepeuki te Megbevayà keuzemà is menge etew he kenà ebpemineg te menge suǥù din.

Ne tenged dutun,

kenè niw ituǥut he meketuu kew te tarù he penurù te minsan hentei he etew pinaaǥi te menge ketezengan dan he kenà tutuu.

7 Kenè kew mebpekid-upakat te minsan hentei he iring kayi.

8 Su zengan utew merusirem is ibayè niw,

iyan,

guntaan neteyawan is ibayè niw su nehimu kew en he menge sakup te Nengazen.

Ne tenged kayi,

kinahanglan he zait is ulaula niw te ked-ikula niw te merayag he ibayà.

9 Su emun neteyawan te Megbevayà is isip niw,

egkeulaula niw is langun he hustu wey metazeng he vaal he ibpenurù te tutuu he tuluuwen.

10 Purungi niw istudyuwi ke hengkey is menge ulaula he egkesuatan te Nengazen.

11 Is menge etew he kemulu pa ziyà te kerusireman,

kenè kew medtampu kandan te ed-ulaula te menge vaal he wazè din pulus,

kekenà,

ipeehè niw he mezaat is menge vaal zan.

12 Su is menge vaal he id-eles dan,

utew mekeeled-eled minsan is kebenteeni zà kayi.

13 Ne pinaaǥi te kerayag,

14 Ne mehitenged kayi zuen erubasa he edhenduen te,

15 Umba,

menge suled,

pekeventayi niw is menge ulaula niw su wey kew mehimu he menge metau,

ne kenà menge paglung.

16 Te minsan keenu,

ke zuen meupiya he egkeveelan niw,

beeli niw en su ǥuntaan he timpu mezelag is ebaal te meupiya.

17 Kenè niw ul-ulaha is wazè din pulus he ulaula,

kekenà,

purungi niw sevuta ke hengkey is ebpeveelan keniyu te Megbevayà.

18 Kenè kew mebpelelangut te vinu su ebpekezezaat heini keniyu,

kekenà,

kinahanglan he egkepurung kew egkeulini te Waǥas he Mulin-ulin.

19 Emun ebpelelelaǥè kew,

gemita niw is menge lalag diyà te menge Salmo wey menge kentahan he idalig te Megbevayà,

wey menge kentahan he ibpinted keniyu te Waǥas he Mulin-ulin.

Kentahi niw is Megbevayà ne pinaaǥi kayi te menge kentahan wey te menge Salmo,

medlipey kew is edalig te Megbevayà.

20 Peselemati niw layun te Amey tew he Megbevayà is langun he tuvad din keniyu tenged te kedsundan niw te Nengazen tew he si Jesu Kristu.

21 Mebpetetehuzè kew te kada sevaha tenged te kedtahud niw ki Kristu.

22 Sikiyu is menge vahi,

pesakup kew te menge esawa niw iring te nesakup kew en te Nengazen.

23 Su is maama,

duen din keǥehem te kebayàbayà te esawa zin,

iring te si Kristu,

duen keǥehem din te kebayàbayà kenitew te langun he menge tumutuu he iyan lawa zin.

Midlibri kiw zin te silut is lawa zin.

24 Ne iring din ded daan kinahanglan he mebpesakup mebpurung is bahi te esawa zin iring te ebpesakup kiw ki Kristu is menge tumutuu zin.

25 Sikiyu is menge maama,

kinahanglan he mahala niw ziyà te ǥehinawa niw is esawa niw iring te mahal kiw is menge tumutuu ziyà te ǥehinawa ni Kristu.

Egketuenan tew heini su mibpehimatey sikandin he elili kenitew wey kiw zin melibri te silut,

26 ne wey kiw mezawat te Megbevayà.

Midhimu zin heini pinaaǥi te kedlumpiyuwi zin kenitew pinaaǥi te kebewtismu wey pinaaǥi te lalag din.

27 Elin daan idhimuwa zin kayi su wey kiw zin mezawat he esawa zin.

Ne wazè en igkesawey zin kayi te kenitew su nepurung kiw en melumpiyuwi ne utew kiw mekempet diyà te kandin.

28 Ne iring din ded daan is maama,

ne kinahanglan he mahala zin diyà te ǥehinawa zin is esawa zin iring te kebmahala zin te keugelingen din he lawa.

Su is kebmahala zin te esawa zin ne iyan ded daan kebmahala zin te keugelingen din he lawa,

su is teleesawa,

sevaha zà sikandan he lawa.

29 Wazà etew he kenè din ebmahalen is keugelingen din he lawa,

kekenà,

ibpekaan din ne ebpurungan din iring te kebpurungi ni Kristu te keugelingen din he lawa.

30 Ne iyan kiw is menge tumutuu,

lawa ni Kristu.

31 Tenged kayi,

duen insurat he Lalag te Megbevayà he edhenduen te,

“Ed-ewaan te maama is iney zin wey amey zin ne ebpengesawa,

ne sikandan is dezuwa,

is maama wey haazà is bahi,

ne egkesevaha zà.”

32 Duen impezayag te Megbevayà kenitew kayi he utew tutuu,

ne sumalà is kedsevuta ku kayi ne iyan ibpesavut din si Kristu wey sikitew is menge tumutuu.

33 Iyan,

kenà duen dà taman su egkehimu zaan he elin egkeǥiyen din is teleesawa.

Kinahanglan he mahala te maama is esawa zin ne kinahanglan daan he tehuza te vahi is kandin he esawa.