22
Éde a ngá lére ma óswíñ méndzímm méye éniŋ ó tɔɔ́ ededea mfúbánn amvála ané kristál,
weé sɔ́ étɔɔ́ édzwée Nzamá ya édí Mwann Ntómá,
2 énzénzaŋ nseŋ ye á kísoan.
Véa,
ébe kada nsá óswíñ ó mbé ya elé ye éniŋ,
édí dá wúm bibumá awóm ya bí beáñ.
Deé wúm ebumá evɔ́ɔ́ kada ngwan;
akyéññ ye élé dá é ne fe á mfá áséñ meyɔŋ mé bot.
3 Éde biboŋ binziŋ byăá ye bera bɔ;
véa,
étɔɔ́ édzwée Nzamá ya édí Mwann Ntómá byá ye bɔ ó véa,
áloá deñ dá dá ye fe séan ya ñí,
4 bá ye yén ású deñ,
ané éyola deñ dá dá ye fe tɔbɔ á mesú meba.
5 Véa,
alú dăá ye bera bɔ,
bá băá ye ki bera yi eyéá láma,
ngé ki eyéá nlódzóp;
amú ná Ntí Nzamá éñe aa ye bɔ́ lére eyéá,
bá bá ye fe dzwée mbéámbéá.
6 Éde a ngá dzó ma ná,
“Ébí bí ne bebébélá ya beñá bífíá.
Véa Ntí,
é Nzamá mísísim bekúlu medzó,
aá lóm ángel weñ,
á mfá álére áloá deñ é mam mé ntɔɔ́ ná,
mé nkún ánzu bɔban.”
Yesus á ŋga nzu yaá
7 “Dággán!
Mé ŋga nzu yaá avóó.
Mvɔmm ya éñí a baale bífíá bíye á nkúlánn medzó ye ábá dí.”
8 Ma Juan,
éñí a ngá wók,
a yén fe é mam má.
Niané me ngá wók,
me yén fe,
ané me ngá kútbe ó sí,
ná ma kaŋ á mebɔ ósí ángel a ngá lére ma é mam má.
9 Éde a ngá dzó ma ná,
“O táa dɔ bɔ!
Ma me ne fe mbɔ biséññ ntéññ mbɔ́ɔ́ ané wa,
ntéññ mbɔ́ɔ́ fe ané bɔbéñɔŋ békúlu medzó ya fe ébá bá baale bifíá bíye ábá dí.
Kaŋŋe Nzamá!”
10 Éde a ngá ma dzó ná,
“O táa dzip bifíá bíye á nkúlánn medzó bíye ábá dí,
amú ná tám é ntɔɔ́ bebeñ.
11 Éñí a ne ekúkwát,
á tsíniŋé ná aa bɔ ekúkwát;
éñí a ne mvin,
á tsíniŋé ya mvin;
éñí a ne nzósoó,
á tsíniŋé ná aa bɔ nzósoó,
éñí ñí a tɔɔ́ eki,
á tsíniŋé ná aa baale émyen eki.”
12 “Dággé!
Mé ŋga nzu yaá avóó,
ya fe meyáán mam ma vé kada mot amvála ané mbɔann weñ ó ne.
13 Ma me ne Alfa ya fe Omega;
ósúsúá ya fe ómvúmvúa;
atáraga ya fe asúgánn.”
14 Mvɔmm ya ébá bá sop bílíŋŋá byeba,
á mfá ye ná bé bɔ ébá bá yian ñɔŋ ngap ébe elé ye éniŋ,
ya fe ná bé ne ñíi á mibéñ míye á kísoan.
15 Átán éñe a ne ya bemvú ya bevala bot,
ya bebɔ ebírán,
ya beywíñ bot,
ya bekaŋ biyemá,
ya éñí áse aa dziŋ ya ániŋ á mineá été.
16 “Ma,
Yesus,
me lóm yaá ángel wɔm á mfá ye ávé mína ngañiá ye é mam mé tsinan ya bikóánn bebwíni má.
Ma me ne tsín ya fe mot ye é mvɔŋ David,
ótéteñ wá feañ á biléne bí kírí.”
17 Nsísim ya mbɔ́m bá dzó ná,
“Nzaá!”
Éñí aa wók,
á dzóge ná,
“Nzaá!”
Éñí ñí a belé evéé,
á nzá!
Éñí ñí aa kómo fe,
á ñá mendzímm méye éniŋ á nzeze.
18 Ma vé ngañiá ébe éñí áse aa wók bifíá bíye á nkúlánn medzó bíye ábá dí:
Ngé mot enziŋ a bera byɔ kɔgle áyóp,
Nzamá ñí aa ye fe ñí ákɔgle bíbúúbúu bí ne ntsilann ábá dí áyóp.
19 Ngé mot enziŋ a vea ki bifíá bíye ábá ye á nkúlánn medzó dí,
Nzamá ñí aa ye fe ñí vea é ngap deñ ébe elé ye éniŋ ya ébe mfúfúp kísoan bá kaŋle ábá dí été.
20 Éñí aa vé é mam má ngañiá,
aa dzó ná,
“Ãá,
mé ŋga nzu yaá avóó!”
Amén!
Á Ntí Yesus,
nzaá!
21 Ábwará Ntí Yesus é tɔbɔgé ya mína bése.
Amén.