É dzam dá vé Nzamá nlém mesán
13
Edziŋŋ bɔbéñafwáa é tsíniŋé ósú.
2 Míní táa vwían áñɔŋ beyéŋ,
amú ná ya édɔ bot benziŋ kaa áyem,
bé ngá ñɔŋ baángel méndá.
3 Míní síman mibok,
ané ngé mína míní ne fe á mbok mínabe bɔ́;
ya fe ébá bá yén bindáglé,
amvála ané ngé a ne é ñúu dwe.
4 Alúk é tɔbɔgé ya ngaŋŋ ébe mot áse;
énɔŋŋ ngéá bá nnóm dá é tɔbɔgé fe kaa mvin,
akála ná bebɔ nsémm eveák bábe bebɔ medzíán Nzamá aa ye bɔ́ kík misaŋ.
5 É fúlú denan eé tɔbɔgé kaa edziŋŋ moann,
tɔbɔgán mvwaá ya édí míní belé,
amú émyen a dzó yaá ná:
“Măá ye wa lík tám enziŋ,
măá ye ki wa lama amvála enziŋ.”
6 Dzam te édɔ bí ne dzó ya dɔ ya ededea mebúnn ná:
“Ntí éñe a ne éñí aa vwála ma;
măá ye ki kɔ wɔŋŋ.
Mot aa ye ma bɔ dzé?”
7 Ásímán bétébosú benan ébá bé ngá kat mína éfíá Nzamá,
dággán ámvála bá wulu ya bíniŋ byeba,
vúgán fe mbwínánn weba.
8 Yesukristo a ne ámvála déá ooŋgɔgɔ́,
ya émuú,
ya akekwíñ mbéámbéá.
9 Kaa áyébán ná bíyá meyágalé mendzaŋ ya mendzaŋ bí ke ya mína;
amú e ne mvéáñ ná nlém mot ó biñ nguu ébe é mvɔmm Nzamá,
se ya bídzí bíye á nyébé bí ne kaa ávé abúánn ébe é bot bé ngá tsinibe été.
10 Bía bí belé altar,
édí ébá bá bɔ eséññ nkaŋann étɔbɔga bé sés filí ye ádzí été.
11 Akála ná bétsít ntébosú befára aa ke ya mekií meba é Vóm wá daŋ ya Mfúfúp amú misémm,
bá dzigi bɔ́ á yát etɔbɔga átán.
12 Dzam te édɔ Yesus,
á mfá ye ná átéle ayɔŋ eki ya metúnŋa méye mékií meñ,
édɔ aá yén ya dɔ bindáglé á kísoan átán.
13 Édɔ é ne ná,
bí kwíñŋán á yát etɔbɔga átán,
ná bía ke ébe éñe,
bíí baga é kpógo weñ.
14 Amú ná bĭí belé é kísoan da laŋan á sí ó vá,
fáve ná bía dzéŋ éñí eé ntɔɔ́ ná e nkún nzu.
15 Ya édɔ bí váán ya dɔ Nzamá tám áse metúnŋa mé olugú ébe éñe,
dá yíli ná,
ébumá ye ánu da mem éyola deñ.
16 Ve,
kaa ki ávwían añep,
ya fe ávwálán bevɔ́ɔ́ ya ébá bevɔ́ɔ́,
amú ná amvála metúnŋa méte émɔ Nzamá aa yén mvéáñ.
17 Tɔbɔgán ya mebúnn ya bétébosú;
bɔgán fe bɔ́ mewók,
amú ná bé tɔɔ́ evéveññ ákála bíniŋ byenan,
amvála ané ébá bá ya ke ñɔŋ sitwá.
Líkgán bɔ́ ná bé bɔ dɔ ya mesán,
se ya mikéá,
akála ná véa,
dăá ye fe mína bɔ ya abúánn.
18 Yaglánán akála dea,
amú bí tɔɔ́ ya mebúnn ná bí belé mbamba osímánn,
bíí kómo fe wulu ébe dzam áse tételé.
19 Éde ma daŋ mína dɔ ádzaa,
á mfá ye ná bé dzíga ma búlu ébe mína.
Mébéránn má súgán ya meyáán
20 Nzamá ye á mvwaá,
éñí a ngá wómo Ntí wea Yesus á míwúán été,
é mbaale mitómá nnén ébe mékií méye mbéámbéá elat,
21 á komŋe mína ébe édí ése é ne mvéáñ,
á mfá ye ná míní bɔ nkómánn weñ,
eé bɔ ébe bía édí aa dziŋ ébe ású deñ ákála Yesukristo.
Éñe á tɔbɔgé ya dúmá atéé ye mbéámbéá ye akekwíñ mbéámbéá.
Amén.
Ádzip kálara
22 Á bɔbédzaŋ,
ma dzaa mína ná míní nzomo nkɔ́bɔ melépgá;
amú ná,
me tsili yaá mína étun kálara dam dí.
23 Yemŋán ná mwadzaŋ Timoteo bé vé yaá ñí filí.
Ngé a sɔ́ avóó,
ma ye mína nzu áyén bía ñí.
24 Ábérán ya ma ya betébosú benan bése ya fe Bekrísten bése.
Ébá béye Italia bá bérán ya mína.
25 Mvɔmm eé tɔbɔgé ya mína bésesé.
Amén.