Befas atéteñ
2
Édɔ ná,
Yesus a ngá byála á Belén,
dzeá ye ábeŋŋ sí ye á Judea,
mélú Erodes á mbé kéza;
véa,
éñe befas atéteñ bé ngá sian á Yerusalen,
béé sɔ́ é vóm nlódzóp wá kwíñ,
Visita de los magos (Mateo 2.1-23)
“É kéza bejudio a ngá byála a ne ó vé?
Amú ná bíá yén ótéteñ weñ é vóm nlódzóp wá kwíñ.
Éde bí sɔ́ ná bía nzu ñí ákaŋ.”
3 Niané kéza Erodes a ngá wók dɔ,
ané a ngá nzaman bábe bot bése béye á Yerusalen.
4 Éde a ngá kóán betébosú befára bése ya beyágale métsiŋŋ béye áyɔŋ,
ané a ngá síli bɔ́ é vóm Kristo aa ye byála.
5 Ané bé ngá yalan ya ñí ná,
“Á Belén,
dzeá ye á Judea;
amú ná néa,
éñe é ne ntsilann ébe nkúlu medzó ná,
6 ‘Á wa,
Belén,
sí ye á Judea été,
We sés avítsaŋ amvála enziŋ énzénzaŋ
ye é meá má dzwée á Judá été.
Amú ná Ndzwée aa ye sɔ́ ébe wa,
Éñí aa ye kálá áyɔŋ dam Israel.’ ”
7 Éde véa,
Erodes a ngá lwée befas atéteñ ásweññ,
ná a túga yem é tám bé ngá yén otéteñ.
8 Éde a ngá lóm bɔ́ á Belén,
eé dzó bɔ́ ná,
“Keŋán áfas ya nkée á mfá mwán te.
Ané,
niané mína koan ya ñí,
míní kat ma á mfá ye ná ma me ke fe ñí ákaŋ.”
9 Éde niané bé ngá mana wók nkɔ́bɔ kéza,
ané bé ngá ke.
Véa,
éñe ótéteñ bé ngá yén á mfá nlódzóp wá kwíñ ó ngá ke bɔ́ ósú,
akekwíñ ané ó ngá ke sian ya átébe é vóm mwán a mbé á yóp.
10 Éyɔŋ bé ngá yén ótéteñ,
ané bé ngá bíra sán ya abwiññ mesán.
11 Niané bé ngá ñíi á ndá,
bé yén mwán bá María,
ñiá mwán,
éde bé ngá kútbe ó sí,
bé ŋga kaŋ ñí.
Éde bé ngá kúu biwála mítam byeba,
bé ŋga vé ñí dás;
koŋ,
mbwánn enum ya mekémle mé mirra.
12 Ané bé ngá lére bɔ́ á biyéyemm ná bé táa bera búlán ébe Erodes,
éde bé ngá búlán é sí deba nzenn fé.
Bá ke mbíí Égipto
13 Éde,
niané bé ngá ke,
véa éñe ángel Ntí a ngá yéne José á biyéyemm eé dzó ñí ná,
“Tébegé,
o ñɔŋ mwán bá ñiá,
o kéñ mbíí Égipto.
Tɔbɔgé ó wéñ akekwíñ ané ma ye wa kat,
amú ná Erodes a nkún dzéŋ ná á ywíñ mwán.”
14 Véa,
José a ngá tébe,
a ñɔŋ mwán bá ñiá á alú,
a kéñ Égipto;
15 éde a ngá tɔbɔ ó wéñ akekwíñ ané Erodes a ngá wú,
á mfá ye ná é dzam Ntí a ngá kɔ́bɔ ébe nkúlu medzó,
ná,
“Me ngá lwée é mwán wɔm Égipto,”
é dzálában.
Erodes aa ywíñ bwán
16 Édɔ ná,
Erodes eé yén ná befas atéteñ bé kpógo yaá ñí,
ané a ngá bíra yéá.
Éde,
a ngá mánan ná bé ywíñ é bwán bése bé mbé á Belén ya mévóm má boman ya ñí,
atéé ye á míbú mí beáñ ye ásigi ásí,
amvála ané é tám a ngá mana fas ébe befas atéteñ.
17 Ané édí nkúlu medzó Jeremías,
é ngá dzálában,
éyɔŋ a ngá dzó ná,
18 “Kíŋŋ e ngá wógó á Ramá,
Ebi ya abwiññ miyónn.
Rakel aa yi é bwán béñ,
Ĕé ngá kómo ki ná bé vwála ñí á nlém,
Amú ná bé sés fe.”
Bá búlán á Nasaret
19 Ve,
niané Erodes a ngá wú;
véa éñe ángel Ntí a ngá yéne José biyéyemm Égipto,
20 eé dzó ñí ná,
“Tébegé,
ñɔŋŋe mwán bá ñiá,
o kéñ á sí ye Israel,
amú ná é bot bé ngá dzéŋ éniŋ mwán,
bé mana yaá wú.”
21 Ané a ngá tébe,
a ñɔŋ mwán bá ñiá,
éde a ngá sian á sí ye Israel.
22 Ve,
niané a ngá wók ná Arkelao á ŋga dzwée yaá á Judea éyian éséá Erodes,
éde a ngá kɔ wɔŋŋ ná á ke ó wéñ.
Niané bé ngá lére ñí á biyéyemm,
ané a ngá ke ábeŋŋ sí ye á Galilea.
23 Éde,
a ngá ke tɔbɔ é kísoan bá lwée ná Nasaret.
Á mfá ye ná é dzam bekúlu medzó bé ngá dzó é ngá dzálában ná,
“Bá ye ñí lwée ná mwann Nasareno.”