Abuku sekuk deiyoknye bira, Yohanes ulamuk. Asurat ara, elce winilye ning sekuk surat ati ara, abuku si ara, 3 Yohanes nyanyabe. Yohanes ara, Yesus arye, wipdeibuk mapu, sik 12 nang kan-kan ton ulamuk. Yohanes arye, asurat ap, bitinye ning tonap, sekuka, asurat winilye ning ara, el si sekuk. Asurat ara, winilye ning sekdeibuk.

Tonda, Yohanes arye, Injil Yohanes ap, buku Wahyu ap, sekdeipsuke. Yohanes ara, Asia tam noutamak peterepra balamukce, Efesus mutuku ton binmoka anya arye, asurat ara, Asia tam noutamak bukni, Efesus mutuku ulamuk talak arye, sekuka dopdeibukura, Asia tam ninye dobuka balamikba, elilamik.

Yohanes arye, surat bitinye ning deice arye ayupu sekuka anya arye, Asia tam ninye arye, winilamik. Winilamik bukni, ton talak ara, Yohanes arye, dopdeibukura, Yesus ninye lyen yupu peteren nang, tonok mutuku peterepra biyikba, amutuku nang arye, ‘Tilila yupu peterena nang do?’ tenen, batakikce, kum melilamik. “Anang kum melipnamabe,” nyabuk deiyoknye el si ara, Dioterepes ulamuk. Dioterepes ara, malinye ulamuka anya arye, Yohanes arye dopdeibukura, peteren nang ati, melibik ninye babye, batakukce, “Nun Allah yupu aik wekna meme,” nyabuka yakwetebuk. Winibuk bukni, yuknye, el si ara Gayus, elce Yohanes arye, dopdeibuk nang melibuka anya arye, Yohanes arye, Gayus ati, “El teleb winibuke,” nyabuka sekuk.