Abuku sekuk deiyoknye bira, Peterus ulamuk. Peterus ara, Yesus arye webuka deibuk mapu, sik 12 nang kan-kan ton ulamuk. Yesus ap, balamrikce, el yupu kekebuka diba tenebukce, dobolbalamuk. Tonda, aminyan talak Peterus ap, Paulus ap, epdareik, Peterus arye Paulus ap, el seklamuk surat nirya ap, weik arye kel kiyamuk (2 Peterus 3:15-16, Galatia 1:18; 2:1-21). Peterus ara, Yahudi yalanye ulamuk bukni, Yunani yupu ton kel kiyamuk. Asurat sekuk talak ara, el ka Silas arye melibukura, asurat sekuk. Ara, Peterus arye ayupu laka nyabukura, Silas arye sekuka deibuk (5:12). Peterus arye, surat bitinye sekuka, diba tenena ninye dam dopkwetebuk. Abuku ara, minopce sekuk surat. Asurat sekuk deiyok ara, weik aubuk bukni, ton ning ara, ‘Diba tenen ninye eibikirye, sik talima melipnamle’ tenen, sekuk. Tonda, Allah el kanye aniryuk bico tenepsilirye, melisilye ning, ‘Weika arye kel kipnamak’ tenen, sekuk. Tonda, ‘Ikin ning upsilye bukni, kanye teniltona kum arye, tunim abuka, diba tenenauk unamak’ tenen, asurat sekuk.