Abuku sekuk deiyoknye bira, el sekeipsuk buku noutamak, el si sekuka, kum laka nyapsuke. Aning ati ara, abuku sekuk deiyoknye bira, nun nirya moubuka kum kel biktibye. El si kum nyaptibye.

Abuku sekuk deiyoknye birye, ‘Yahudi yala ninye arye, Ninye Lyena Deiyoknye bira, dipkoprop Yesus uka,’ tenepnamakce, ‘Diba tenepnamak’ tenen, abuku sekuk. Yuk deiyok ton ani. Ara, ton Yahudi yala nang ara, Yesus akunum diba tenelamik bukni, ‘Tuba tamubuka tonap, Musa sekamuk mem yupu, tamubuka talibikirye, aninguk dobolbanamnyaka’ tenen, abuku sekuk. Musa sekamuk yupu nirya ara, teleb yupu bukni, Allah arye, tenyamuk ning ara ani. Ara, ‘Yesus aminyan talak dopkwetepnamne bukni, tia talak ati, na mapu arye Musa sekamuk yupu talinamak,’ tenyamukce, Musa ati laka nyapdeibukba, Musa arye mem yupu weik sekamuk.

Yahudi yala nang arye, ayupu uk talibuka dobolbalamik bukni, Yesus arye nun malye winin ning dekna ap, nun babye pununa ati, wanwanun yo deice dibukba, Allah arye, Yesus kam bukeibuka deice arye, ninye lyena ati, Musa arye sekeipsuk yupu nirya punubuk.