Abuku sekuk deiyoknye bira, Paulus ulamuk. Abuku ara, Efesus mutuku ninye ulamikce, dib tenelamik ninye ati, Paulus arye, asurat sekuka dopdeibuk.

Efesus mutuku ara, weik asik dolamik mutuku uamuk. Ninye pia weik dana-dana tam nirya arye, ‘Bon ning dekelbinamap’ tenen, Efesus mutuku balamikce deklamik. Paulus arye, keting tamun winilye deice arye, amutuku noutamak ulamukce peterelamuk. Abuku noutamak ara, Paulus arye, ‘Ayupu ara, weik mambul’ tenen, sekdeipsuk ning ara, ani. Tonok ning ara, Allah arye, nun nirya ati minop talak tenyamsuk ning ap, ‘Wininamak’ tenen, nyalilamsuk ning ap, lyepsiliba aminyan talak ara nirya, el si erebuka kinamak ning ap, aning-aning nirya dobuka, Kristus el amu tam deipnamle ning ap, Allah el kanye aryuk bico tenyamsukce, kanye talima dukdongopsukba, el ap, yuk dib tenen ninye ap, teleb kibuka neika unamap ning ap ati, yupu nyabuk. Tonda, Allah El Dib Kanye arye, Allah el pil dona ati arisilye pil dona deiyok ning ati, laka nyapsuk. Tonda, minop talak malye-malyeuk ulamubu bukni, wini talak ara, winiryuk kanye talima arisilibuk, Allah el mikip deice arye, diksukumuk wininamnyabe, Paulus arye, nyabuk ning ara, asurat noutamak ulule.