Abuku sekuk deiyoknye bira, Markus ulamuk. Markus ara, Yesus arye wibuka deibuk mapu, sik 12 nang kan-kan ton kum ulamuk bukni, elda Yesus diba tenelamuknye ulamuk. Paulus ap, Barnabas ap, Yesus el yupu peterepra balamrik talak ara, Markus ap, melibukura, biyik. Sik neika balamik. Aminyan talak, Markus arye, sik bitinye batakuka (Rasul 13:13) el yuk biyuk bukni, yuk talak ara, tuba tamubuka tonap, Barnabas ap, neika pil dolamrik. Paulus dipnamuk talak arye Markus ati, “Elda telebnye,” nyabuk (2 Timotius 4:11). Peterus arye Yesus el yupu peterelamukbuk, Markus kekebukce abuku noutam teleb kibuka lilibuka sekuk.

Markus arye abuku sekuk deiyok ara, ‘Yahudi yala kum ninye babye, kai teleb yupu ninye lyen yupu kekeptingce, Yesus ati dib tenepnamak’ tenen, abuku Injil Markus sekuk. Markus arye, ‘Yesus el yupu peterelamuk ning ap, ninye winipmanto kum pil weik dolamuk ning ap, diba tenepnamak’ tenen, abuku sekukce Roma mutuku ninye ap, yuk Yunani ninye ap, ati dopdeibuk. Markus arye sekuk buku, abuku, minopce sekamik Injil buku. Sik yuk Injil seklamika ning nirya ara, aminyan tam sekik. Elda, minopce sekuk.