Abuku sekuk deiyoknye bira, Matius ulamuk. Matius ara, Yesus arye wipdeiyamuk mapu, sik 12 nang kan-kan ton ulamuk. Yesus min diba kum tenyamuk talak ara, Matius arye, Roma ninye deiyok nang arena ati, yo bok bulunanye ulamukce, ubula weik dololamuk bukni, Yesus arye, ‘Anye bira, na yupu peterelbinamle’ tenen, Matius yukubukba, Yesus diba tenebukce, malye winilamuk ning nirya batakuka, Yesus dobolbalamuk.

Markus arye, el sekuk buku Injil Markus, akunum sekamukbuk, aminyan talak ara, Matius arye, ‘Yahudi yala nang Yesus diba tenepnamak’ tenen, abuku Injil Matius sekuk. Yahudi yala nang nirya arye, ‘Ninye Lyena Deiyoknye yanamsile’ tenen, pia kalikuka dinauk ulamika ati, Matius arye, ‘Kume, Ninye Lyena Deiyoknye bira, yuknye kume, Yesus el akunum yanmasile, diba tenepnamak’ tenen, abuku sekukce, Yahudi yala ninye ati aribuk.