2 Esau an gangasawa ta mga bai na Canaanen. Una na sawa din Ada na bata Elon na Hetanen. Sunod na mga pasawa din Oholibama na bata Ana na bata Zibeon na Hetanen daw 3 Basemat na bata Ismael na utod man Nebayot.

4 May bata Esau naan ki Ada na ngaran din Elifaz daw may bata man Esau naan ki Basemat na ngaran din Reuel. 5 Mga bata din naan ki Oholibama danen Jeus, Jalam daw Core. Yon mga bata Esau na natao naan ta lugar na Canaan.

6 Esau i giling naan ta lugar na madyo ta utod din na Jacob. Padala din iya na mga sawa, mga bata, tanan din na mga sinakepan, mga ayep daw tanan na mga pagkabetang na nakamang din naan ta Canaan. 7 Gapadyo kanen an ki Jacob tak sikad tama iran na mga ayep daw mga pagkabetang. Dili en danen an pwidi magtingeb naan ta isya nang na lugar tak kulang mga lamunon dya para kan-enen ta iran na mga ayep. 8 Yon na gaistar Esau an naan ta kabungyuran ta lugar na Seir. Esau an, kanen alinan na kaapuan ta mga ittaw ta nasyon na Edom.

9 Yi lista ta mga linai Esau na alinan ta mga Edomnen na gaistar naan ta kabungyuran ta lugar na Seir.

15 Yon mga linai Esau. Danen gadumala ta iran na mga linai naan ta Seir na paumaw man na Edom.

Yi mga mama na bata Elifaz na panganay Esau: Teman, Omar, Zefo, Kenaz, 16 Core, Gatam daw Amalec. Danen gadumala naan ta lugar na Edom. Danen mga bata Elifaz na bata Ada na sawa Esau.

17 Yi mga mama na bata Reuel na bata Esau naan ta iya na sawa na Basemat: Nahat, Zera, Sama daw Miza. Danen gadumala naan ta lugar na Edom.

18 Yi mga mama na bata Esau naan ta iya na sawa na Oholibama na bata Ana: Jeus, Jalam daw Core. Danen gadumala naan ta Edom.

19 Yon mga linai Esau na mga gadumala naan ta lugar na Edom.

20 Bag-o giling danen Esau naan ta lugar na Seir, naan dya gaistar mga Horanen na mga linai Seir. Mga bata Seir na mama: Lotan, Sobal, Zibeon, Ana, 21 Dison, Ezer daw Disan. Mga bata Seir gadumala ta mga Horanen naan ta Edom.

22 Mga bata Lotan na mama: Hori daw Heman. Timna utod Lotan na bai.

23 Mga bata Sobal na mama: Alvan, Manahat, Ebal, Sefo daw Onam.

24 Mga bata Zibeon na mama: Aya daw Ana. Na gabantay Ana ta ayep na asno ta amay din naan ta lugar na ula kabalayan, nakita din tuburan ta waig na paso. 25 Bata Ana na mama Dison daw bata din na bai Oholibama.

26 Mga bata Dison na mama: Hemdan, Esban, Etran daw Keran.

27 Mga bata Ezer na mama: Bilhan, Zaavan daw Acan.

28 Mga bata Disan na mama: Uz daw Aran.

29-30 Yi mga gadumala ta mga Horanen na gagrupo-grupo sunod ta iran na alinan na linai naan ta lugar na Seir: Lotan, Sobal, Zibeon, Ana, Dison, Ezer daw Disan.

31 Yi mga ari na gadumala naan ta lugar na Edom bag-o may ari na gadumala naan ta nasyon na Israel. 32 Bela gadumala ta Edom. Kanen taga-Dinaba daw bata Beor. 33 Na napatay Bela, Jobab na bata Zera na taga-Bosra, kanen man gadumala. 34 Na napatay Jobab, Husam na taga-Teman, kanen man gadumala. 35 Na napatay Husam, Hadad na taga-Avit na bata Bedad, kanen man gadumala. Napirdi din mga Medianen naan ta lugar na Moab. 36 Na napatay Hadad, Samla na taga-Masreca, kanen man gadumala. 37 Na napatay Samla, Saul na taga-Rehobot na dani Suba Eufrates, kanen man gadumala. 38 Na napatay Saul, Baal-Hanan na bata Acbor, kanen man gadumala. 39 Na napatay Baal-Hanan na bata Acbor, Hadar na taga-Pau gadumala. Iya na sawa Mehetabel na bata Matred na bata Mezahab.

40 Yi mga gadumala ta mga grupo-grupo na mga pamilya na alin ta mga linai Esau. Kada grupo may kaugalingen na lugar. Ngaran danen: Timna, Alva, Jetet, 41 Oholibama, Ela, Pinon, 42 Kenaz, Teman, Mibzar, 43 Magdiel daw Iram. Tanan danen gadumala ta mga Edomnen na mga linai Esau na gagrupo-grupo. Kada grupo may iran gid na lugar.