—Qꞌuean̈cot dꞌa tic.

Ol in chꞌox dꞌayach juntzan̈ tastac yovalil ol ujoc ayic ol lajvoc juntzan̈ tic,

xchi dꞌayin.

2 Ix javi spoder Yespíritu Dios dꞌa vibꞌan̈,

ix vilan jun despacho dꞌa satchaan̈,

ay jun mach cꞌojanem dꞌay.

3 A jun cꞌojanem chiꞌ,

lajan yilji icha qꞌuen jaspe,

ma qꞌuen cornalina,

veei yilji.

Axo dꞌa jun cꞌojnubꞌ chiꞌ oyanoch jun chacpan toxon̈ej stziquiqui,

icha qꞌuen esmeralda.

4 Axo dꞌa spatic yichan̈,

oyanoch 24 xila icha yic ebꞌ yajal.

Ataꞌ cꞌojjabꞌem 24 ebꞌ ichamtac vinac,

te sac spichul ebꞌ.

Ayqꞌue junjun corona oro dꞌa sjolom junjun ebꞌ.

5 Tzꞌel copoljoc cꞌacꞌ dꞌa jun cꞌojnubꞌ chiꞌ yedꞌ juntzan̈xo tas ix laj n̈ilili,

n̈ilili scꞌan̈ pax cꞌu.

Ay uqueꞌ^* nivac candil ayoch scꞌacꞌal dꞌa yichan̈ cꞌojnubꞌ chiꞌ,

aton Yespíritu Dios yucvan̈il.

6 Aypaxecꞌ junxo tas dꞌa yichan̈,

yaxdꞌujinac icha junoc n̈ajabꞌ,

ma icha qꞌuen nen.

Axo dꞌa snan̈al jun despacho chiꞌ yedꞌ dꞌa stzꞌey,

ay chan̈van̈ querubín,^*

ayn̈ej yol sat ebꞌ dꞌa spatic yichan̈.

7 A jun bꞌabꞌel querubín lajan icha nocꞌ choj.

A schabꞌil,

lajan icha nocꞌ quelem vacax.

A yoxil,

lajan yilji sat yedꞌ sat anima.

Axo schan̈il,

lajan icha nocꞌ dꞌiv sjen̈vi.

8 A chan̈van̈ ebꞌ chiꞌ,

vactac scꞌaxil junjun ebꞌ.

Ayn̈ej yol sat ebꞌ dꞌa spatic yedꞌ dꞌa yool.

Cꞌual dꞌacꞌval yalan ebꞌ icha tic:

9 A ebꞌ querubín chiꞌ schan̈van̈il syal ebꞌ to a Dios cꞌojanem dꞌa yol jun despacho ayn̈ej ecꞌ dꞌa masanil qꞌuinal,

te nivan spoder,

te nivan pax yelcꞌochi,

syacꞌanpax yuj diosalil ebꞌ dꞌay.

10 Juntac el syal ebꞌ icha chiꞌ,

tzꞌem n̈ojjabꞌ ebꞌ 24 ichamtac vinac chiꞌ dꞌa yichan̈ Dios ayn̈ej ecꞌ dꞌa masanil qꞌuinal,

syacꞌanpaxem sbꞌa ebꞌ dꞌay.

Syacꞌanem scorona ebꞌ dꞌa yichan̈ sdespacho chiꞌ,

syalan ebꞌ icha tic dꞌay: