130
Ga ni zuaꞌ lu da sté̱bele̱ꞌe̱ dxuláwizraꞌ Lueꞌ, Xranaꞌ Dios.2 ¡Xran, bene chiꞌa!
¡Bze̱ naga da dxenabaꞌ lauꞌ!
3 Xranaꞌ Dios, chela nnaꞌ xánniuꞌ ca naca dul-la nabágantuꞌ
¿núzraqueze xegáꞌana xrlátaje lau Lueꞌ?
4 Luéꞌquezuꞌ dxunite lauꞌ chee̱ntuꞌ
chee̱ gápantuꞌ Lueꞌ ba láꞌana.
5 Dute̱ lázrdawaꞌ dxebeza lazraꞌ Xránadxu Dios,
ne dxuxrén lazraꞌ xrtizre̱ꞌ.
6 Dxebeza lazredxaꞌ Xránadxu Dios
cáqueze dxelún benneꞌ caꞌ dxuluxúe̱ꞌ xe̱zre caꞌ,
dxelebeze̱ꞌ chaníꞌ,
ne cáqueze dxelún benneꞌ caꞌ dxelicha bchigala,
dxelebeze̱ꞌ chaníꞌ.
7 Benneꞌ Israel caꞌ dxal-laꞌ xelebeza lazre̱ꞌ Xránadxu Dios
laweꞌ da dxexache lazreꞌ Xránadxu bénneache chee̱ꞌ,
ne dxexáꞌawe̱ꞌ benneꞌ caꞌ lu naꞌ benneꞌ guledábague̱ꞌ Le̱ꞌ.
8 Dios xexáꞌawe̱ꞌ benneꞌ Israel caꞌ
lu naꞌ xúgute̱ dul-la da zaj nabague̱ꞌ.