122
Gubéle̱naꞌ benneꞌ caꞌ gulé̱ꞌe̱ nedaꞌ:“Chéajdxu xuꞌu lizre Xránadxu Dios.”
2 Naꞌa zúadxu nigá, ze̱ntuꞌ dxa xuꞌu zeꞌe
da naxechaj lueꞌ, xe̱zre Jerusalén.
3 Jerusalén naca na tu xe̱zre da belexune̱ꞌ,
naꞌ naca na xrtante̱, ne dxéꞌle̱ꞌe̱ na cháwedauꞌ.
4 Lu xe̱zre naꞌ zjaca xúgute̱ cuen bénneache zaj de̱ꞌe̱
Xránadxu Dios.
Dxelune̱ꞌ ca dxenná dizraꞌ da guzre Dios benneꞌ Israel caꞌ,
chee̱ xelúe láꞌane̱ꞌ La Xránadxu Dios.
5 Lu xe̱zre naꞌ zaj dxeꞌ benneꞌ caꞌ dxuluchiꞌe̱ chee̱
benneꞌ Israel caꞌ,
naga zaj dxeꞌ benneꞌ xrtia David, benneꞌ caꞌ dxelenná beꞌe̱.
6 Le naba lau Dios gataꞌ xel-laꞌ dxebeza zri lazreꞌ
lu xe̱zre Jerusalén,
chee̱ xelepe ban da dxelún benneꞌ caꞌ zaj nazríꞌine̱ꞌ xe̱zre naꞌ.
7 Dxenábantuꞌ Dios sua xel-laꞌ dxebeza zri lazreꞌ
luꞌule zeꞌe da naxechaj na lueꞌ, Jerusalén,
ne chee̱ xelezráꞌ chaweꞌ benneꞌ zaj xuꞌe̱ xuꞌu zren chiuꞌ.
8 Nazríꞌidaꞌ le saꞌ ljwezraꞌ, ne bi ljwezraꞌ caꞌ, naꞌ dxenníaꞌ:
Gataꞌ xel-laꞌ dxebeza zri lazreꞌ chiuꞌ, xe̱zre Jerusalén.
9 Laweꞌ da nazríꞌidaꞌ xuꞌu lizre Xránadxu Dios
dxunaꞌ ba xuzre gaca chaweꞌ chiuꞌ.