Danho're na 're idawata za'ra mono zé wasu'u
100
Uburé ti'ai mono bâ 're i'aihâimana za'ra wa'aba mono norĩ, Uburé Danhib'apito ãma asõ're na asadawa'a'a wa'aba!2 Uburé Danhib'apito ãma, ato za'ra wa'aba sina ãma aiwata za'ra wa'aba.
Duré isõ're u asõ're to sina, we asisisi aba.
3 Ma'ãpé, Uburé Danhib'apito ãma 're aipo're pu'u za'ra wa'aba mono, ta hã 'Re ihâimana u'âsi mono wa.
Ta hã ma tô te te 're wa'apoto. Tahawa, wa ite na tãma 're wahâimana za'ra.
Duré isib'a'uwẽ na wa tãma 're wahâimana za'ra, ite pone'ẽrebâ ne.
4 Ma'ãpé 'Re ihâimana u'âsi mono nhorõwa u 'ridawa za'ẽtẽ na asisisi aba, asõ're na ãma aiwata za'ra wa'aba sina.
Duré isõrõwa 'ri zahâpâ mono u ãma aiwata za'ra wa'aba sina asisisi aba.
'Re ihâimana u'âsi mono nhisi na aiwata za'ra wa'aba.
5 E marĩ wa, Uburé Danhib'apito hã wẽ uptabi wa, duré isimizawizé õne u'â tãma 're hâimana mono wa, duré umnhasi na 're ihâimana mono zé hã si'utõrĩ waihu'u õ wa.