Tawamhã apito Zersi hã tinhimi'madâ'âzéb 're, âporé zaihâ na, duré âporé zaihâ nhiti 're idahâimana za'ra mono norĩ ma, ma tô tãma 'ru zahi za'ra, romhuri ipire hã te te tãma 'manharĩ za'ra mono da. 2 Apito Zersi uburé marĩ iwẽ siptete na te te 're i'ab'manharĩ mono zé hã, duré tinhimi'madâ'âzéb 're, Mordecai danhipai u i'rãnho'õmo na 're hâimana mono da, te te ipisutuzém na zama ma tô uburé ãma rob'ui'éré ni, itepãi wasisi na ibaihâ na hã, Média ãma apito norĩ hâimanazé wasu'u na, duré Persia ãma apito norĩ hâimana wasu'u na. 3 Zudeu Mordecai te danhipai u dama i'rãnho'õmo na oto 're hâimana, apito Zersi zapari. Mordecaihi ãma, Zudeu norĩ hã ma tô 're tob'uzu za'ra. Ma tô duré te te 're wazé pese za'ra. Tawamhã tinhib'a'uwẽ norĩ ma, ma tô sima 're rĩtĩ, te te tãma 're 'manharĩ wẽ za'ra mono da. Ta norĩ nhihudu norĩ ma, ma tô duré te te 're ro'wapé, rowẽ na 're hâimana u'âsi za'ra mono da.