I pepámo “Ou Pita” nilimolo akumu kinie, “Pe Pita” nilimolo pepámotolo torumu yemo Yesusi lombili purumu ye Pita, Yesusini “Nanga kongonomo tenjipui.” nimbe lipe mundurumu yemo; Ou Pita 1:1, 5:1, Pe Pita 1:1, 1:12-15 (Jono 21:18-19), Pe Pita 1:16-18 (Mateyu 17:1-5).

‘Kirasinge talapena yamboma umbuni ailime melemele kanu yamboma ‘Kirasi sike.’ ningu tondolo munduku pilimele ulumu manie naa pupili tondolo munduku molangi!’ nimbe Pitane i pepámo torumu. “Ene Kirasinge yambomane Yesusi Kirasinge temane peangamo altoko mimi siku piliengi! Yesusi kolopa lomboropa ola molopalie, “Kelepo yando ombó.” nimbe, nimbe panjirimu. Aku-sipe nimbe panjirimu mele pilkulie ‘Yu kelepa yando ombá.’ ningu nokoko molai!” nirimu.

“Sike Kirasinge yamboma kinie umbunime wendo olemo nakolo aku-sipe wendo olemo umbunimene olio ‘Kirasi sike.’ nimbu tondolo mundupu pilimolo mele manda manjilimo. Akumunge, tondolo munduku pilku molemele mele Kirasi kelepa naa opili we tondolo munduku pilku molangi! Pe yu ombá walemo ene mele kaloli peangamo lingí.” nirimu.

Jono 21:15-17 akuna Yesusini Pitando nimbendo: “Nanga kongi sipisipime tapu teko nokonjeni.” nirimu kanu ungumu pilipelie Pitane i pepána 2:25 kinie 5:2-4 kinie torumunje?

Ya ungu-pulumu pora nikimu.