KOLLOSI
Pollone KOLLOSI Yemboma Pepá Topa Sirimu Bokumu
Pollone I Pepá Topa Sirimumunge Ungu Pulu Mare
Pollo kinie yuni pepá topa sirimumenga ungu-pulu mare inie yakondo gomo 714 molemo.
‘Pollo ou pulu pulu kolea-awili Romo ka siku ulke tenga pepili amimene nokoringi kinie ipepámo torumu.’ ningu pilimele (Lipe Mundorumu Yema 28:16-31, Epesasi kinie Pillipai kinie Pillimono kinie pea.)
Kollosi akumu Esia poropinji lierimu taono awili te. Akumu Epesasi taono nondopa lierimu nalo Pollo yuyu akune naa purumunje. Temane te naa molemo. Epesasi taono molopalie ye mare Kollosi akune “Temane toko siengi paa!” nimbe lipe mundorumunje. Ye Epaparasini ungume nimbe sirimu mele Kollosi 1:7-8 molemo. Ou-Korini 16:19 molemo ungu akumu Kollosi yembomando nirimulanje?
I pepámo Pollone nambemune topa sirimunje? Ye marene kolo toko mane siringi mele Kirasinge yemboma pilku lombili puringi mele pilipelie pepá topa sirimu.
Teko kenjeringi mele i-sipe: Te: Pulu Yemonga yemboma molongendo langi mare kinie no kinie walema kinie kangi kopiseli ulumu kinie ou Mosisini mane sirimu mele pilku liku teringi mele Pollone ‘naa piliengi!’ nirimu (2:16-17 kinie 2:11, 3:11 kinie). Te: Kolo toko ‘Melema naa ambolko, naa nongo piliengi, mólo!’ ningu mane siringi (2:21,23). Te: Angelloma popo toko imbi liku ola mundundoringi (2:18). Te: Kirasi toko manie mundoringinje. Pollone Kirasi tondolo-mundupe kapi nirimu (1:15-20, 2:2-3,9). Te: Kolo toko ‘Ungu mare lopi terimu.’ niringi akumu Pollone nimbendo: “Kirasi kinie pea mindi pilipe konginjeli ungu lopi telime pelemo.” nirimu (2:18, 2:2-3). Te: ‘Mana yembomane pilipe konginjeli pelemo ungume kinie mana yembomane ulu pulu teringi mele kinie pilipu teamili!’ niringi. Pollone aku-siku pilku aku-siku teringi mele ‘Paa manda mólo!’ nirimu. “Kapola molamili!’ ningu Kirasi mindi pilku, Kirasi mindi pea molangi!’ nirimu. Yu Pulu Yemo mele molopa, yu mindi mélema kinie ungumenga kinie paa olandopa (1:15,16,17,18,19, 2:9, 1:20-22, 2:10). ‘Kolo toli ungumene naa lipe tapondolemo.’ nirimu (2:8, 2:23).
Ya ungu-pulumu pora nikimu.