Boku LIPE MUNDORUMU YEMA
Yesusini “Nanga Kongonomo Tende-Paa!” Nimbe Lipe Mundorumu Yemanga Bokumu
I Bokumunge Ungu Pulu Mare
\it Ye kisene Yesusinge temanemo toringimenga te LLuku. \it Pe LLukuni \it Yesusinge \it temanemo topa pora sipelie i bokumu torumu. Boku talo pea ye-nomi Tiopillasi simbendo torumu (Boku LLuku 1:1-4, Boku Lipe Mundorumu Yema inie 1:1-2). Inie 1:1 paa kanani! Akune boku ou torumu bokumunge “Yesusini pulu polopa terimu mele torundu.” nirimu (Boku Mako 1:1 mele). Aku liemo i bokune molemo temanema Yesusinge temanemala, Yesusinge ungumela. Nalo Yesusi mana molopalie terimu mele mólo! Yesusini yu lombili andoli yema yunge tondolomo ‘eno simbo kinie nanga ungumu nindiku, nanga kongonomo tendenge.’ nimbe yunge Minimu eno sirimu (1:3-9, 2:1-3). Yesusinge Minimu enonga konopune molopa tondolo purumu kinie enone Jerusalleme sukundu Yesusinge ungumu pulu polko ningu sindikulie (2:1-8:1), pe kolea awisilinge anjo anjo ningu sindiliku puringi. Pe Pollo kepe “Nanga kongonomo tende-pou!” nimbe lipe mundorumula. Kanu yema Yesusini “Nanga kongonomo tende-paa!” nimbe lipe mundorumu yemane ulu mare awisili teringi. (Enonga imbimunge ungu-pulu te boku ambolkonomonga alsena anjokondo “ 1. aposel” \it molemo.) Pita kinie Polloselonga temane awisili molemo. Pitanga temanema 1:15-5:11,29-32, 8:14-25, 9:32-11:18, 12:1-19 molopa, Pollonga temanema 7:58 pulu polopa nimbe, 28:31 nimbe pora silimo. Nalo kamu koloringili mele naa nimbe silimo.
Ou Juda-yembomane mindi ungumu pilku Kirasinge yemboma moloringi. Nalo pe Juda-yembo awisilini “Ungumu naa pilimolo.” niringi kinie Juda-yembo naa molko yembo lupe moloringime ningu siringi kinie eno awisili “Sike.” ningu tondolo-munduku pilku Kirasinge yemboma moloringi. Yesusi Kirasi yunge yembo talapemo wendo wendo oringi mele i bokune molemo (1:15, 2:41,47, 8:1,4-8,26-40, pe awisilila).
Temane mare LLukuni \it we pilipelie boku torumunje. Nalo wale mare yu yuyu Pollo-kinie andopa kanopalie torumula. (Yu pea andoringili kinie “Olio i-sipu i-sipu terimulu.” nimbe boku torumu mele 16:10-17, 20:5-21:18, 27:1-28:16 molemo. Boku Pillimono 23-24, Boku Kollosi 4:10-17 kananila!)
Ungu pulu mare boku ambolkonomonga alsena anjokondo “8. bilip”, “2. arapela lain”, “14. Grik” \it mimi-siku kanani!
Ya ungu-pulumu pora nikimu.