MATEYU
Temane Peangamo MATEYUni Torumu Bokumu
YESUSI MANA MOLOMBA ORUMU MELE TEMANEMO
Akumunge, Yesusi Kirasi Kalko Lsingi Yembomanga Imbimenga Temanemoa
1
(Pulu Yemonga Ungumu. Kolomongo-kanga wane.)
˻Isirele-yembomanga ou-pulu-pulu anda-kolepa˼ Eporayamo kinieb pe yandopa ˻enonga ye-nomi-kingi awili˼ Depisi kinie elone Yesusi Kirasic kalko lsingili mele i-sipe:
2 Eporayamone Aisake merimu;
Aisakene Jekopo merimu;
Jekopone Juda kinie Judanga angenupilime kinie merimu;d
3 Judane Peresi kinie Sera kinie merimu,
kanu yeselonga anumu Tema;
Peresini Esirono merimu;
Esironone Ramo merimu;
4 Ramone Aminadape merimu;
Aminadapene Nasono merimu;
Nasonone Sallimono merimu;
5 Sallimonone Boasi merimu, Boasi yunge anumu Reapa;
Boasini Opete merimu, Opete yunge anumu Rute;
Opetene Jesi merimu;
6 Jesini ye-nomi-kingi Depisi merimu.e
Depisini Sollomono merimu. Sollomononga anumu ou Yurayanga ambo-menumu molorumu. Pe Depisini kanu ambomo konopu mondopa Yuraya topa kondopa ambomo yu lsimu.f
7 Sollomonone Riapoamo merimu;
Riapoamone Apaya merimu;
Apayane Eta merimu;
8 Etane Josipate merimu;
Josipatene Joramo merimu;
Joramone Asaya merimu;
9 Asayane Jotamo merimu;
Jotamone Eyasi merimu;
Eyasini Esikaya merimu;
10 Esikayane Manasa merimu;
Manasane Emosi merimu;
Emosini Josaya merimu;
11 Josayane Jekonaya kinie yunge angenupilime kinie merimu.
Josaya kolopili yunge malopili molangi opa-pulue yemboma Isirele-yemboma kinie ongo opa tekolie toko munduku Isirele-yembo awisili ka siku enonga kolea-awili Bepillono mengo puringi.g
12 Ka siku mengo puringi kinie pe
Jekonayane Sialtele merimu;
Sialtelene Serapapele merimu;
13 Serapapelene Apayate merimu;
Apayatene Ellayakimu merimu;
Ellayakimuni Eso merimu;
14 Esone Sedoke merimu;
Sedokene Ekimu merimu;
Ekimuni Ellayate merimu;
15 Ellayatene Elliesa merimu;
Elliesane Matano merimu;
Matanone Jekopo merimu;
16 Jekopone Josepo merimu.
Josepo Maria-menu. Josepone Maria ou naa lipili Maria yu ambolango olona mondopa molorumu.
Pe ambo-yeselo moloringili kinie
Mariane Yesusi merimu.
˻Pulu Yemone “Eno nokopa kondomba ye-nomi te lipu mundumbo.” ou nimbe makó torumu yemo pe Yesusi aku yemo omba molorumu kulu˼ yunge imbi te pea sikulie ‘Kirasimu’.h niringila.
17 Eporayamo kinie Eporayamone yandopa-yandopa kalopa lipe Depisi kalopa lipe terimu yema ˻Yesusinge˼ anda-kolepa tene-poi moloringi. Pe Depisini yandopa-yandopa ou Bepillono yembomane Juda-Yembo mare ka siku Bepillono anjo naa mengo pangi kalopa lipe terimu anda-kolepa tene-pola moloringi. Bepillono ka-siku mengo puringi kinie pe yandopa-yandopa ye-nomi Kirasimu kinie kalko lsingi ye tene-pola moloringi.
Pulu Yemonga Minimuni Marianga Olona Kango Te Mondorumu, Ambomo Yuni Yesusi Kirasi Merimu Temanemo
18 Yesusi, Pulu Yemone “Eno nokopa kondomba ye te lipu mundumbo.” ou nimbe makó torumu ye-nomi Kirasimu,j yu meringi temanemo i-sipe:
Yunge anumu Marianga pulu lierimu yembomane “Maria Josepone lipili!” ningu koronga niringi nalo ou Josepo pea telune naa peangili Mini Kake Telimuni Maria yunge olona ambolango te mondondorumumu Maria yuyu pilierimu.
19 Kanu-kinie yunge ye Josepo yu ye sumbi-nílimu molorumu kulu Maria ambolango olo mondorumu kinie pilipelie ‘Maria olie naa polopili!’ nimbe ‘Yembo awisili molangi yu temu mele nimbu para naa sipu yu yuyu molomba kinie kiyengo nimbu we “Kamu pu!” niembo!’ konopu lierimu.
20 Josepo aku-sipe konopu lipe mundupe molopili Awilimunge angello tene Josepo uru-kumbu sipelie nimbendo: “Josepo, ye-nomi-kingi Depisini kalopa lsimu yemo, Mini Kake Telimuni Maria ulu te terimu kulu yu ambolangomo olona mondolemo kene yu linindu pipili naa kolko li!” ˻nirimu.˼
21 “Yu kango kanopa limbe. Kanu kangomone yunge yemboma ‘Enonga konopune ulu-pulu-keri telemelema pepili molkolie mindili nonge.’ nimbe eno lipe tapondopa, mindili nolemela aulkena wendo lipe, yu-kinie pea molko kondonge aulkena lipe mondomba kene yunge imbi leko “Yesusi”k nieni!” nirimu.
22 Aku-sipe wendo orumu ulumenga pali koronga-ou Pulu Yemone ungu-umbu tondorumume pilipe yemboma nimbe sirimu ye tene ulu mare pe wendo ombá ou nirimu mele kamu wendo orumu. Akumu i-sipe:
23 “Pilieyo!
Ambo-wenepo tene ambolango olona mondopalie
kango te memba.
Kanu-kinie yunge imbi leko “Imenuele” ninge.”l Aisaya 7:14
nirimu. I imbimunge ungu-pulumu ‘Pulu Yemom olio-kinie molemo’.