Paulo Timóteore Romapɨ bu'îri da'rerí wi'ipɨ niîgɨ, ohâkɨ niîwĩ. Kɨ̃ɨ̂ a'ti pũríre ohâgɨ, kɨ̃ɨ̂ ohâ mɨ'taka pũri weeró noho ohâtikɨ niîwĩ. Ásia di'takãharã kɨ̃ɨ̂re bu'îri da'rerí wi'ipɨ niikã́, bopôya sãakãrã niîwã. Tohô weégɨ niî pe'tirã kõ'â wã'ka no'o'karo weeró noho tɨ'ó yã'akɨ niîwĩ. Luca, tohô niikã́ Onesíforo yaá wi'ikãharã di'akɨ̃ kɨ̃ɨ̂re wãkû tutuakã weérã, bu'îri da'rerí wi'ipɨ niigɨ́re bopôya sãatikãrã niîwã. Paulo ni'kɨtá niísa' niî tɨ'ó yã'agɨ, kɨ̃ɨ̂ me'rakãharã waro Timóteore, Marcore kɨ̃ɨ̂ tiropɨ pihîokɨ niîwĩ. Trôadepɨ kɨ̃ɨ̂ kũû'ke papérare, kɨ̃ɨ yaró asî busurore miíti dutigɨ nohota pihîokɨ niîwĩ. Kɨ̃ɨ̂ “Maatá wẽrîgɨsa'”, niî wãkûkɨ niîwĩ. A'ti pũrí kɨ̃ɨ̂ ohâ tɨoka pũri niî'.