Timóteo Listra wamêtiri makapɨ bahuákɨ niîwĩ. Kɨ̃ɨ̂ pakɨ́ grego masɨ niîkɨ niîwĩ. Kɨ̃ɨ̂ pako pũríkã Judeu maso niîko niîwõ. Kɨ̃ɨ̂ Paulore kití miáa ko'tegɨ niîkɨ niîwĩ.

Paulo, Timóteo Éfesopɨ niigɨ́re a'ti pũríre ohâkɨ niîwĩ. Timóteore kɨ̃ɨ̂ ẽho peósere wãkû tutuakã wee nemógɨ, Jesu Cristore ẽho peóri kurakãharã tiropɨre ãyuró niiséti dutigɨ ohâkɨ niîwĩ.

A'tîro ohâkɨ niîwĩ. “Õ'âkɨ̃hɨre sẽrírã, a'tîro weeró ɨá'”, niî ohâkɨ niîwĩ. Tohô niikã́ mɨsâre sɨ'orí niisétiahãre bese sõrórã, a'tîro weerã́ nohore sõroró ɨá' niisére ohâkɨ niîwĩ. Wapê wi'ia numiare wee tamúsere, tohô niikã́ apêye ohâ nemokɨ niîwĩ. Ãyuró weérã bu'îri marirã́ niisétisere ohâkɨ niîwĩ. Keoró bu'êtirãre tɨ'o masí dutisere ohâkɨ niîwĩ.