Paulo Colosso, Frígia di'tapɨ niirí makakãharãre ohâkɨ niîwĩ. Kɨ̃ɨ̂ neê ni'kâti naâ tiropɨre wa'âtikɨ niîwĩ. Kɨ̃ɨ̂ me'rakãharã Jesu Cristo yee kitire werê, kɨ̃ɨ̂re ẽho peóri kurakãharã sãhakã́ weékãrã niîwã. Tii kurá Colossokãharãre Epafra Jesu Cristo yee kitire bu'ê, naâre sɨ'orí niisétikɨ niîwĩ.

A'ti pũríre Paulo Romapɨ bu'îri da'rerí wi'ipɨ niîgɨ, ohâkɨ niîwĩ.

A'teré ohâkɨ niîwĩ. Naâ ãyuró weesére tɨ'ógɨ, Õ'âkɨ̃hɨre “Ãyú'” niisére ohâkɨ niîwĩ. Tohô niikã́ mehêkã bu'erí masare tɨ'o masíya niisére ohâkɨ niîwĩ. Apêyere, Jesu Cristo yeere mɨsâ tɨ'ó'karo nohota keoró weeyá niisére ohâkɨ niîwĩ.