Paulo niî mɨ'tari pũri Corintokãharãre ohâka be'ro Éfesopɨta tohákã'kɨ niîwĩ yuhûpɨ. Toopɨ́ niîgɨ, Corintopɨre yã'âro wa'â'ke kitire mii ehákãrã niîwã. Teeré tɨ'ógɨ, Paulo naâ tiropɨ maatá wa'â sĩ'rikɨ niîwĩ. Tohô wa'â sĩ'rimigɨ, wa'âtikɨ niîwĩ. Macedônia di'ta pe'e wa'âkɨ niîwĩ. Tohô weégɨ a'ti pũríre Macedônia di'tapɨ niîgɨ, ohâkɨ niîwĩ. Tito wamêtigɨ a'ti pũríre miáakɨ niîwĩ. Tohô niikã́ ãpêrã kɨ̃ɨ̂re ba'pâti wã'kakãrã niîwã.

Paulo naâre a'teré ohâkɨ niîwĩ. Jesu Cristo yee kitire werê kusiagɨ kɨ̃ɨ̂ yã'âro yɨ'rɨsére ohâkɨ niîwĩ. Tohô niikã́ pahasé kɨorãre niyéru sẽri basásere ohâkɨ niîwĩ. Apêye, kɨ̃ɨ̂ bu'esére ĩ'yâ tu'tirã yeekãhasere ohâkɨ niîwĩ.