Paulo Jesu Cristore ẽho peórã Corintokãharãre ohâkɨ niîwĩ. Kɨ̃ɨ̂ ohâka terore Éfesopɨ niîkɨ niîwĩ. Kɨ̃ɨ́ta Corintokãharãre neê waropɨre Jesu Cristo yee kitire werê, kɨ̃ɨ̂re ẽho peóri kurakãharã sãhakã́ weékɨ niîwĩ.

Tiîtare kɨ̃ɨ̂ Jesu Cristo yee kitire bu'ê siha nɨ'kaka be'ro pɨáti wa'âro weékaro niîwɨ.

Toopɨ́re Judeu masa nerê wɨaropɨ bu'êkɨ niîwĩ. Kɨ̃ɨ̂re toopɨ́ niigɨ́re kõ'â wĩrokã'kãrã niîwã. Tiîtare Corintokãharã me'ra ni'kâ kɨ'ma apé kɨ'ma deko tohákɨ niîwĩ (At 18.1-11).

Be'ró Corintokãharãre kɨ̃ɨ̂ bu'ê'kere keoró weetíkã tɨ'ógɨ, a'ti pũríre ohâkɨ niîwĩ. Kɨ̃ɨ̂ ohâ wɨaro nohota ãyu dutí nɨ'kakɨ niîwĩ. Yapatígɨpɨa Judéiakãharã pahasé kɨorãre wee tamúsekãhasere, kɨ̃ɨ̂ basi de'ró weeátehere uúkũ yapatíkɨ niîwĩ.