Timoteo müsullanpïmi Jesusman chalapacü cala. Paypa mamanmi Israel caśhta, papäninñatac mana-Israel caśhta cala. Cay Timoteom Efeso malcaćhu chalapacücunap caminaycünin cala. Judea-lädu nunacunämi “Caymi rasunpa Diospa yaćhachicuyninꞌa” nil, juccunacta quirichiyta jicutapäcula. Chay nunacunaca Pablo yaćhachishantamari lluy chincachiyta munapäcula. Jinaptinmi Pablo Roma nasyuncäćhu prïsulayal cay cartacta Timoteoman isquirbila. Cayćhümi chay yanꞌal yaćhachicuycunawan Timoteo mana ingañachicunanpä anyapan. Chaynütacmi chalapacücunäćhu tuqui allinpa quiquin-pula imanuypa caycälinanpäpis licaycanaculcänanpäpis niycun.