Jesuspa Allin Willacuyninpi Mateo Isquirbishan
Jesuspa awquilluncuna
1
Salbacü Jesus Abrahampïtawan Davidpa milayninpïmi śhamun.
Paypa awquilluncuna caycunam cala:
2 Abrahampa chulinmi Isaac.
Isaacpa chulinñatacmi Jacob.
Jacobpa chulincunañatacmi Judäwan śhullcancuna.
3 Judäpa chulincunañatacmi Tamarćhu Fareswan,
Zara.
Farespa chulinñatacmi Esrom.
Aminadabpa chulinñatacmi Naason.
Naasonpa chulinñatacmi Salmon.
5 Salmonpa walmin Rahabćhümi Booz chulin cala;
Boozpañatacmi walmin Rutćhu Obed chulin.
Mandacü Davidpa chulinñatacmi Salomon.
Paypa mamanmi cañä Uriaspa walmin.
7 Salomonpa chulinñatacmi Roboam.
Roboampa chulinñatacmi Abias.
Josafatpa chulinñatacmi Joram.
Jorampa chulinñatacmi Uzias.
9 Uziaspa chulinñatacmi Jotam.
Jotampa chulinñatacmi Acaz.
Manasespa chulinñatacmi Amon.
Amonpa chulinñatacmi Josias.
11 Josiaspa chulincunañatacmi Jeconiaswan lluy śhullcancuna.
Chayćhümi Israel caśhtacunäta Babilonia malca prïsucta puśhaculcäla.
12 Chayćhüñam Jeconiaspa chulin Salatiel cala.
Abiudpa chulinñatacmi Eliaquim.
Eliaquimpa chulinñatacmi Azor.
14 Azorpa chulinñatacmi Sadoc.
Sadocpa chulinñatacmi Aquim.
Eleazarpa chulinñatacmi Matan.
Matanpa chulinñatacmi Jacob.
16 Jacobpa chulinñatacmi José,
Mariap wayapan.
Mariap wawinñatacmi Caćhaśhan Salbacüca nipäcuśhan Jesus.
17 Chayurá Abrahampïta aśhta mandacü Davidcamam pasala ćhunca tawayu awquillucuna.
Chaynütacmi mandacü Davidpïta aśhta Israelta Babilonia apacuśhancama ćhunca tawayu awquilluncunatac pasala.
Chaynütacmi chay apaśhancäpi aśhta Caćhaśhan Salbacü Jesus näsinancamapis ćhunca tawayu awquillucunatac pasala.
Jesuspa näsishan
18 Caćhaśha Salbacü Jesuspa näsishan caynümi cala:
Mariam limaśha cala Joséwan cuscapäcunanpä.
Manaläpis cuscayaptinmi Chuya Ispiritup munayninwan Maria patayüña licalila.
19 Jinaptinmi José alli nuna cayninwan,
Mariacta mana pinꞌayman juluyta munal “Mana tantiachillal caćhaycüśhä” nil pinsayäla.
20 Chaynüta pinsaśhtin chay tuta puñuyaptinmi Diospa caćhan anjilnin suyñuyninćhu licalilcamul nila:
“Davidpa caśhtan José,
limay-masiqui Mariawan cuscayta ama ishcayyaychu.
Payꞌa Chuya Ispiritup munayninwanmi patayu licalïsha cayan.
21 Chay ishyacuśhan walaśhcätá ‘Jesusta’ śhutichanqui,
nunacunäta juchanpi julüca captinmi” nil.
22 Lluy caycuna pasala Diospa unay willacünin nishannümi:
23 “Manalä wayapacta lisï wamla patayu licalilculmi walaśhta ishyacunꞌa.
Paytam ‘Emanuel’ nipäcunꞌa”a.
Cay ninan “Dios yaꞌanchicwanmi cayan” ninanmi.