Cay libructa Malaquiasmi isquirbila. Malaquias timpu israelcunaca Babilonia lädućhu prïsu capäcuśhanpi Jerusalenćhu cutïmuśhañam cayalcäla. Chayćhu achca wataña cayalcalmi caśhanñatac punta cawsaśhannu cawsayta allacuycuyalcäla. Tayta Diospa alawana wasintapis manañamari manchacuywanchu licapäcula. Tayta Diosman uycunancunätapis manañam llapan śhunꞌunwanchu uycapäcula. Chaymi willacü Malaquias anyapaycun manchacuywan Tayta Dios nishannu cawsaycälinanpä; chaynütacmi unanchaśhan timpućhu salbacüca śhamunantapis niycun.