4
Sumä munayniyu Tayta Diosmi nin:
“Chay unanchaśha muyunca nina sumä-sumä sumbayänümá jiꞌacaycayämun.
Chayćhümi chay nunatucücunäta,
mana allin luläcunäta nina walayäca päśhactanu camacaycülunꞌa;
aśhta pallayninpis,
sapincunapis manañamá canꞌañachu.a
2 “Ñatac yaꞌacta manchacuywan am licamäcunäpämi ichá tincüninman licaycüca acchimunꞌa inti ishpimuśhannu;
acchiyninćhu allin jawca cawsaytamá apaycamunꞌa.b
Jinaptinmi uña wäca canćhanpi yalämul cushisha-cushisha paćhcaycaćhäcänu sumä cushiculcanqui.
3 Chay cäraycuná muyuncäćhu mana allin nunacunäta jalutacäläliptiquimá ućhpanu ćhaquiquićhu capäcunꞌa.
Sumä munayniyu yaꞌa Tayta Diosmari niyá.
4 “Chayurá chay Horebc ulꞌućhu sirbïní Moisesman uycuśhá camachicuynïcunacta yalpapäcuyꞌari.
Chay yaćhachicuynïcuna,
nishäcuna jinantin Israel nunäcunapämari cayan.