11
Cusichaśhayquita yacunninpa apachiy;a
timpunćhümá allicta ćhasquiycunqui.
2 Ima cäniquitapis jucninman-jucninman uycuy;
manamá yaćhanquichu ima ñacaycuna malcaman śhamunantapis.
3 Pucutayca yanalpamuptinꞌa tamyam tamyamun.
Lantaca nurti läduman ütac sur läduman cućhpälul,
chay cućhpaśhallanćhümá quïdacun.
4 Waywällacta licapayä nunaca manamá talpucunchu;
pucutaycällacta licapayä nunaca manamá cusichanchu.
5 Maynümi waywaca mayninpa lishantapis mana yaćhanquichub nï mamanpa patanćhu iñachap tulluncuna imanuypa wiñaśhantapisc yaćhanquichu,
chaynümá lluy imactapis lulaycü Tayta Dios lulaśhantapis nï yaćhanquichu.
6 Achicäluptin mujuyquita talpuy;
tardinpapis lulayta ama caćhaycuychu.
Manamari yaćhanquichu mayannin allin ishpinantapis;
ütac ishcaynin allin ishpinantapis.
7 Achquica tuquillamá;
inti yalamücäta licay maynu sumä-sumämá.
8 Nunaca achca-achca wata cawsalpis muyun-muyun cushishalla caycuchun;
yalpanantacmi achca muyun tutapayćhu cananta.
Jinaman lluy śhamücunaca yanꞌal-yanꞌal caśhantapis.
Müsucunätam limapan
9 Müsucuna,
¡cushiculcay!
Śhunꞌuyqui munaśhanćhu müsu caśhayquicama cawsaycuy.
Ñawiqui licaśhanwan,
śhunꞌuyqui munaśhanwan apachicuy.
Ñatac lluy ima lulaśhayquicunapïpis Tayta Diosta juc muyun niycunayqui caśhanta yalpay.
10 Piñacuycäta śhunꞌuyquipi juluycuy;
mana allincäta cawsayniquipi wicapaycuy.
Walaśhllala caypis,
müsu caypis yanꞌal-yanꞌalmá.