Jonaspa mañakusqanmanta
Dios Taytalláy,
sasachakuypi kaspaymi qayakamurqayki
hinaptinmi qamñataq contestaykuwarqanki.
3 Qamqa ukullay-uku
lamar qochapa
chawpinmanmi wischuykuwarqanki.
Ñoqataqa mayukunaraqmi muyuykuwarqa.
Orqochakuq llapallan olaykikunam
ñoqapa hawaytaraq pasawarqa.
4 Qayllaykimanta wischuruwasqaykitam
piensarqani ñoqaqa.
Chaywanpas huktawanraqmi qawaykusaq
sapaqchakusqayki temploykitaqa.
5 Yakukunam pasaypaqta wankuykuwarqa.
Uku-uku yakukunam muyuriykuwarqa.
Qocha yuyukunam umayman wankukururqa.
6 Ñoqam wichiykurqani
orqokunapa cimientonkunakamaraq.
Ñoqam wichiykurqani
wiñaypaq preso kanay allpakamaraq.
Yupaychasqay Dios Taytalláy,
wañuypa patanmantañam salvaykuwarqanki.
7 Dios Taytalláy,
wañunayachkaspayñam yuyarimurqayki.
Mañakusqaymi sapaqchakusqayki
temploykiman chayaykamusurqanki.
8 Taytacha-mamachakunata adoraqkunaqa
kuyapayakuynikimantam karunchakurunkuña.
9 Ñoqam ichaqa qanman
graciasta qospay
wañuchipusqayki animalkunataña.
Cumplisaqpunim prometekusqaytaqa.
Dios Taytalláy,
qamllam salvanki runakunataqa.
10 Chaynapim Tayta Dios challwata kamachirqa lamar qochapa patanman Jonasta wischurunanpaq.