Diosman sonqoyoqkunapa kuyanakuyninmanta
Diosman asuykunapaq Davidpa takisqan
133
¡Mayna allinmi
wawqe-panikunapa
huk sonqolla kawsakuyninqa!
¡Mayna kuyayllapaqmi
wawqe-panikunapa
huk sonqolla kawsakuyninqa!
2 Umaman talliykusqa miski asnaq
aceite hinam chayna kawsakuyqa.
Barbaman sullmariq aceite hinam
chayna kawsakuyqa.
Aaronpa barbankamam sullmarin
chay aceiteqa.
Sotananpa kunkankamam
sullmarin chay aceiteqa.
3 Hermon Orqomanta sullamuchkaq hinam
chayna kawsakuyqa.
Sion Moqoman sullamuchkaq hinam
chayna kawsakuyqa.
Chaypi kawsaqkunamanmi
Tayta Dios bendicionninta apachin.
Chaypi kawsaqkunamanmi
wiñay kawsayta apachin.