4 Obed-edompa piwi kaq churinmi karqa Semaias,

Semaiasman qatiqninkunañataqmi karqa Jozabad,

Joa,

Sacar,

Natanael,

5 Amiel,

Isacar hinaspa Peultai.

Diosmi Obed-edomta bendecirqa achka churinkunata qospan.

6 Obed-edompa churin Semaiaspapas karqam churinkuna.

Paykunam castankupi munaychakurqaku valeroso soldadokuna kasqankurayku.

7 Semaiaspa churinkunam karqa Otni,

Rafael,

Obed,

Elzabad,

Eliu hinaspa Semaquias.

Eliuwan Semaquiasqa wawqenkunamantapas aswan valeroso qarikunam karqaku.

8 Llapallankumá paykunaqa Obed-edompa miraynin karqaku,

churinkunapas hinaspa castankunapas karqa servicio rurayninkupi valeroso soldadokunam.

Llapallankum karqaku soqta chunka iskayniyoq runakuna.

9 Meselemiaspa churinkunawan castankunam karqa chunka pusaqniyoq valeroso soldadokuna.

10 Meraripa miraynin Hosapa churinmi karqa Simri,

mana piwi churi kachkaptinpas paytam jefe kananpaq taytan churarqa.

11 Simripa qatiqninmi karqa Hilcias,

Tabalias hinaspa Zacarias.

Hosapa llapallan churinkunawan castankunam karqa chunka kimsayoq runakuna.

12 Paykunamanmi punkukunawan muyuyninpi cuentallikuy tocarqa.

Paykunam runakunapa jefenkunapiwan kuska castamasinkuna hina Tayta Diospa templonpi servirqaku.

13 Sapa punkuwan cuentallikunankupaqmi suerteta choqarqaku abuelonkupa castanman hina,

mayorpaqpas otaq sullkapaqpas chaynallam karqa.

14 Intipa qespimunan lawpi punkupaqmi suerte tocarurqa Selemiasman.

Norte law punkupaqñataqmi suerte tocarurqa Selemiaspa churin Zacariasman,

paymi yachayniyoq consejero karqa.

15 Obed-edonmanmi tocarurqa surlawpi punku,

paypa churinkunamanñataqmi tocarurqa templopi almacen cuartokuna.

16 Supim sutiyoq runamanwan Hosamanñataqmi tocarurqa intipa seqaykunan lawpi punku hinaspa hanay lawman rina ñanpi Selequet sutiyoq punku.

Imam ruranankutam iguallaman rakirqaku kaynata:

17 Intipa qespimunan lawpaqmi churarqaku Leviy castamanta soqta runakunata,

norte lawpaqmi churarqaku sapa punchawpaq tawa runakunata,

surlawpaqmi churarqaku sapa punchawpaq tawa runakunata,

almacen cuartokunapaqñataqmi churarqaku iskay runakunata sapa cuartopaq.

18 Intipa seqaykunan lawpi patiomanmi churarqaku hanay lawman rina ñanpaq tawa runakunata,

hina patiopiñataqmi churarqaku iskay runakunata.

19 Chayna rakisqamá karqaku punkukunawan cuentallikuqkunaqa,

paykunaqa karqa Coreypa mirayninkunam chaynataq Meraripa mirayninkunam.

20 Leviypa castan wakin runakunañataqmi cuentallikurqaku Diospa templonpi tukuy ima kaqkunamantawan Diospaq sapaqchasqa kaqkunamanta.

21 Gersonpa churin Laadanpa mirayninkunam karqa chay Leviy casta runakunapa jefenkuna.

Laadanpa huknin mirayninqa karqa Jehieli sutiyoq runam.

22 Jehielipa churinkunam karqa Zetam hinaspa Joel.

Paykunam cuentallikurqaku Tayta Diospa templonpi tukuy ima kaqkunamanta.

23 Amram casta runakunapas,

Izhar casta runakunapas,

Hebron casta runakunapas chaynataq Uziel casta runakunapas

24 qori-qollqewan cuentallikuqkunam karqaku,

paykunapa jefenmi karqa Sebuel.

Sebuelqa karqa Gersonpa mirayninmanta kaqmi,

Gersonñataqmi karqa Moisespa churin.

25 Eliezerpa mirayninmanta Sebuelpa castankunam karqa:

Eliezerpa churin Rehabias,

Rehabiaspa churin Jesahias,

Jesahiaspa churin Joram,

Jorampa churin Zicri hinaspa Zicripa churin Selomit.

26 Selomitmi castamasinkunapiwan cuentallikurqaku Diospaq sapaqchasqa tukuy ima kaqkunamanta.

Chaykunataqa Tayta Diospaqmi Rey David sapaqcharqa.

Sapaqcharqataqmi ayllukunapa jefenkunapas,

waranqa soldado kamachiqkunapas,

pachak soldadokuna kamachiqkunapas chaynataq tropakuna ukupi wakin kamachiqkunapas.

27 Chay sapaqchasqanku kaqkunaqa karqa guerrapi qechumusqankum,

chaykunawan Diospa templonta allichanankupaq.

28 Chaykunawan kuskataqmi kachkarqa Diosmanta willakuq Samuelpa sapaqchasqankunapas,

Cispa churin Saulpa sapaqchasqankunapas,

Nerpa churin Abnerpa sapaqchasqankunapas chaynataq Sarviapa wawan Joabpa sapaqchasqankunapas.

Diospaq tukuy chay sapaqchasqankuwanmi cuentallikurqa Selomitwan castamasinkuna.

29 Izharpa miraynin Quenaniaswan churinkunam karqaku autoridadkuna hinaspa juezkuna.

Paykunaqa manam cuentallikurqakuchu templopi kaqkunamantaqa.

30 Hebron casta Hasabiaswan castamasinkunam karqa waranqa qanchis pachaknin qarikuna.

Paykunaqa Jordan Mayupa kaylawnin intipa seqaykunan lawpim Israel nacionpa kaqninkunawan cuentallikurqaku.

Cuentallikurqakuqa Tayta Diospa hinaspa reypa llapallan asuntonkunamantam.

31 Hebron casta runakunapa jefenqa karqa Jeriasmi.

Tawa chunka watamanña David gobiernachkaptinmi Hebron casta runakunapa listanpi maskachkaspa tarirurqaku valeroso qarikunapa sutinta.

Paykunam karqa Galaad law Jazer llaqtapi kaqkuna.

32 Jeriaspa castan runakunaqa karqa iskay waranqa qanchis pachaknin qarikunam,

paykunaqa karqa castamasinkunapa jefenkunam,

paykunapas karqa valeroso qarikunamá.

Paykunatam Rey David churarqa Ruben ayllupa,

Gad ayllupa hinaspa parten Manases ayllupa kamachiqnin kananpaq,

paykunataqa churarqa Diospa llapa kaqninkunawan hinaspa reypa kaqninkunawan cuentallikunankupaqmi.