3 Davidmi Eleazarpa mirayninmanta kaq Sadocwan hinaspa Itamarpa mirayninmanta kaq Ahimelecwan rakirqaku sacerdotekunata tocasqanman hina servinankupaq.

4 Ichaqa cuentatam qokururqaku Itamarpa mirayninkunamantaqa Eleazarpa mirayninkuna aswan achka jefekuna kasqankuta chaymi Eleazarpa mirayninmanta akllarqaku chunka soqtayoq jefekunata,

Itamarpa mirayninmantapas akllarqakum pusaq jefekunata.

5 Eleazarpa hinaspa Itamarpa miraynintapas suerteman hinam rakirqaku sapakamata.

Paykunamantam karqa santuariopi jefekuna hinaspa Diospa serviqnin jefekuna.

6 Leviypa ayllunmanta Natanaelpa churin secretario Semaiasmi qellqarqa llapallan jefekunapa sutinta.

Paymi qellqarqa reypa qayllanpi,

kamachikuqkunapa qayllanpi,

sacerdote Sadocpa qayllanpi,

Abiatarpa churin Ahimelecpa qayllanpi,

sacerdote casta jefekunapa qayllanpi hinaspa Leviy casta jefekunapa qayllanpi.

Suerteta horqospam Eleazarpa mirayninmanta akllarqaku iskay familiata,

Itamarpa mirayninmantañataqmi akllarqaku huk familiata,

chaynatamá rurarqaku qatinasninpi.

7-18 Suerteta horqoptinkum punta kaqmanta qallarispa qatinasninpi iskay chunka tawayoqkama karqa:

Joiarib,

Jedaias,

Harim,

Seorim,

Malquias,

Mijamin,

Hacos,

Abias,

Jesua,

Secanias,

Eliasib,

Jaquim,

Hupa,

Jesebeab,

Bilga,

Imer,

Hezir,

Afses,

Petaias,

Hezequiel,

Jaquin,

Gamul,

Delaia hinaspa Maazias.

19 Paykunam oficionkuman hina churasqa karqaku chaynapi Diospa templonman yaykuspa Israelpa yupaychasqan Tayta Diospa kamachisqanman hina llamkanankupaq,

chay reglamentokunataqa qorqa abuelonku Aaronmanmi.

20 Leviypa mirayninmanta puchuqkunañataqmi karqa:

Amrampa castan Subael,

Subaelpa castan Jehdias,

21 Rehabiaspa castan Isias,

paymi karqa jefe,

22 Izharpa castan Selomot,

Selomotpa castan Jahat,

23 Hebronpa piwi churin Jerias,

Jeriaspa sullkan Amarias,

Amariaspa sullkan Jahaziel,

Jahazielpa sullkan Jecaman.

24 Paykunawantaqmi karqa Uzielpa churin Micaiapas,

Micaiapa castan Samirpas,

25 Micaiapa wawqen Isiaspas chaynataq Isiaspa castan Zacariaspas.

26 Paykunawantaqmi karqa Meraripa castan Mahliwan Musipas chaynataq Meraripa castan Jaazaiaspas.

27 Meraripa castan Jaaziaspa churinkunam karqa Soham,

Zacur hinaspa Ibri.

28 Mahlipa castanmi karqa Eleazar,

paymi mana churiyoq karqa.

29 Cispa castanmi karqa Jerameel.

30 Musipa castanmi karqa Mahli,

Edar hinaspa Jerimot.

Paykunam karqaku Leviypa mirayninmanta castankuman hina.

31 Paykunapas suerteman hina rakisqam karqaku Aaronpa miraynin castamasinkuman hina.

Chaynatam suertearqaku Rey Davidpa qayllanpi,

Sadocpa qayllanpi,

Ahimelecpa qayllanpi,

sacerdotekunapa qayllanpi hinaspa Leviy casta jefekunapa qayllanpi.

Mayor wawqenkupa familian hinam sullka wawqekunapas igualla suerteasqa karqaku.