3 Etampa churinkunam karqa Jezreel,

Isma hinaspa Idbas.

Paykunapa paninpa sutinmi karqa Haze-lelponi.

4 Etampa wakin churinkunam karqa Gedor llaqtata hatarichiq Penuel hinaspa Husa llaqtata hatarichiq Ezer.

Paykunam karqa Hurpa mirayninkuna.

Hurmi karqa Efratapa piwi wawan.

Paymi karqa Belen llaqtapi kamachikuq.

5 Tecoa llaqtata hatarichiq Asurmi karqa iskay warmiyoq.

Chay warminkunaqa karqa Helawan Naaram.

6 Naarapa wawankunam karqa Ahuzam,

Hefer,

Temeni hinaspa Ahastari.

7 Helapa wawankunam karqa Zeret,

Jezoar hinaspa Etnan.

8 Cospa churinkunam karqa Anubpiwan Zobeba.

Paypa mirayninkunamá karqa Harumpa churin Aharhelpa castankuna.

9 ^aJabesqa wawqenkunamantapas aswan reqsisqaraqmi karqa.

Mamanmi ñakariywan wachakusqanrayku suticharqa Jabeswan.

10 Jabesmi Israelpa Diosninta mañakuspa nirqa:

—Bendeciykuwaspayá allpayta masyaykachiy hinaspa waqaychaykuway.

Mana allinmantayá libraykuway mana ñakarinaypaq —nispa.

Chaymi mañakusqanman hina Dios rurarqa.

11 Sua sutiyoq runapa wawqen Quelubpa churinmi karqa Mehir.

Mehirmi karqa Estonpa taytan.

12 Estonpa churinkunam karqa Bet-rafa,

Paseah hinaspa Nahas llaqtapi kamachikuq Tehina.

Paykunam karqa Reca law runakuna.

13 Cenazpa churinkunam karqa Otonielpiwan Seraias.

Otonielpa churinkunam karqa Hatatpiwan

14 Meonotai.

Meonotaipa churinmi karqa Ofra.

Seraiaspa churinmi karqa Joab.

Paymi karqa Carisim Qechwa runakunapi kamachikuq.

Chay qechwatam suticharqaku Carisinwan,

chaynataqa suticharqaku imapas ruraq maestrokuna chaypi yachasqankuraykum.

15 Jefonepa churin Calebpa churinkunam karqa Iru,

Ela hinaspa Naam.

Elapa churinmi karqa Cenaz.

16 Jahaleelpa churinkunañataqmi karqa Zif,

Zifa,

Tirias hinaspa Asareel.

17-18 Esdraspa churinkunam karqa Jeter,

Mered,

Efer hinaspa Jalon.

Meredmi casarakururqa Faraonpa churin Bitiawan.

Bitiam wachakurqa Mariata,

Samaita hinaspa Estemoa llaqtapi kamachikuq Isbata.

Juda castamanta Meredpa huknin warminmi wachakurqa Gedor llaqtapi kamachikuq Jeredta,

Soco llaqtapi kamachikuq Heberta hinaspa Zanoa llaqtapi kamachikuq Jecutielta.

19 Nahampa panin otaq Hodiaspa warminpa wawankunam karqa Garm casta runakunapa yachasqan Keila llaqtapi kamachikuq,

huknin wawanñataqmi karqa Maaca llaqtayoq Estemoa.

20 Simonpa churinkunam karqa Amnon,

Rina,

Ben-hanan hinaspa Tilon.

Isipa churinkunañataqmi karqa Zohetpiwan Benzohet.

21 Judapa miraynin Selapa churinkunam karqa Leca llaqtata hatarichiq Er,

Maresa llaqtata hatarichiq Laada,

Bet-asbea lawpi yachaq lino awaqkunapa castankuna.

22 Selapa miraynintaqmi karqa Joacimpas,

Cozeba llaqtapi yachaqkunapas chaynataq Joaspiwan Sarafpas.

Paykunam Moab casta warmikunawan casarakuruspanku Belen llaqtaman kutikurqaku ñawpaq tiempokunapi willakusqankuman hina.

23 Paykunaqa manka ruraqkuna kaspankum yacharqaku Netaim llaqtapiwan Gedera llaqtapi.

Chaykunapi yachaspankum reyta servirqaku.

24 Simeonpa churinkunam karqa Nemuel,

Jamin,

Jarib,

Zera hinaspa Saul.

25 Saulpa churinmi karqa Salum.

Salumpa churinmi karqa Mibsam,

Mibsampa churinñataq Misma.

26 Mismapa churinmi karqa Hamuel,

Hamuelpa churinmi karqa Zacur,

Zacurpa churinñataqmi karqa Simei.

27 Simeipa qari churinkunam karqa chunka soqtayoq,

warmi churinkunañataqmi karqa soqta,

Simeipa wawqenkunam ichaqa mana achka churiyoqchu karqaku chaymi Judapa castankuna hinaqa mana mirarqakuchu.

28 Yachasqanku llaqtakunam karqa Beerseba,

Molada,

Hazar-sual,

29 Bilha,

Ezem,

Tolad,

30 Betuel,

Homa,

Siclag,

31 Bet-marcabot,

Hazar-susim,

Bet-birai hinaspa Saaraim.

Chaykunamá paykunapa llaqtanku karqa Davidpa gobiernasqan tiempokama.

32 Paykunapa pichqa llaqtachankunam karqa Etam,

Ain,

Rimon,

Toquen hinaspa Asan.

33 Paykunapataqmi karqa chay llaqtachakunapa muyuriqninpi taksa llaqtachakunapas Baalat llaqtakama.

Chaykunam karqa paykunapa yachanan llaqtakunawan abuelonkunamanta listankuna.

34-38 Abuelonkunapa castankunapi kamachiqkunam karqa Mesobab,

Jamlec,

Amasiaspa churin Josias,

Joel hinaspa Jehu.

Jehuqa karqa Josibiaspa churinmi,

Josibiasqa karqa Seriaspa churinmi,

Seriasñataqmi karqa Asielpa churin.

Paykuna hina kamachikuqtaqmi karqa Elioenaipas,

Jaacobapas,

Jesohaiapas,

Asaiaspas,

Adielpas,

Jesimielpas,

Benaiapas chaynataq Sifipa churin Zizapas.

Sifim karqa Alonpa churin,

Alonmi karqa Jedaiaspa churin,

Jedaiasmi karqa Simripa churin,

Simriñataq Semaiaspa churin.

Chayna sutiyoq runakunapa castankunamá llumpayta mirarurqaku.

39 Paykunaqa animalninkupaq pastota maskaspankum chayarurqaku Gedor llaqtaman yaykuna intipa qespimunan qechwakama.

40 Chaypim tarirurqaku alli-allin sumaq pastokunata,

machu-machu pampakunata chaynataq hawkallaña yachakunapaq allpata.

Chaypim Cam casta runakuna yacharqaku ñawpaqta.

41 Juda nacionpi Ezequias gobiernachkaptinmi chay listasqa runakuna hamuruspanku atacarurqaku chaypi ñawpaq yachaqkunata.

Tuñichirqakum karpankunata chaynataq chukllankunatapas.

Purmarachirqakum kay libro qellqasqa kasqan tiempokama,

paykunañam rantinpi chay sitiopi yacharqaku chaypi pastokuna animalninkupaq kasqanrayku.

42 Simeonpa mirayninkunamanta pichqa pachak soldadokunapas Seir Orqomanmi rirqaku.

Paykunatam kamachirqa Pelatias,

Nearias,

Refaias hinaspa Uziel.

Chay kamachikuqkunam karqaku Isipa churinkuna.

43 Paykunamá wañurachirqaku Amalec runakunamanta puchuqkunata.

Chaypim yacharqaku kay libro qellaqasqa kasqan tiempokama.