ကွဲ့ လှယ့် ဂေ အီ ဘူင် နာ တူ မွှိုမ်။ ကွဲ့ တဲး မဲ မိုဝ်း နဝ်း ဆီ ဘဲန် ဂိုက် ကာဒူပ် ဒီ ဂေ။

2 ခဲင် နဝ်း ဂေ၊ ဂေ ခြာမ် ဒီ ပျာတ့် အီ ဟဝ်။ ဂေ ဘော နပ် ဒီ ကာလာင် ဂြုဝ်း၊ တဲး န့ ဘဲန် ဒုက် ဒီ အီ။

3 ဆေ ဒူအီ မိုဝ်း အာငျာန်၊ အန် ဘော နပ် ဒီ ဆမ် ကာင်။ ဆေ န့ ကာလှုး ဒီ နဝ်း အန်၊ အန် ဘော နပ် ဒီ ဘူင် တဲး န့ ဆီချာ။

4 ဆေ အန် နပ် ဘဲန် မျုဝ် ဘဲန် မျုဝ်၊ န့ တဲး ကြုဝ်ကြာမ် အီ ငဝ်း တာင် ဘော အီ စှိတ် ကော နုဝ့် ခဲင် ဟူင် အိတ် အန် ဒွန် ဟူင်။

5 ဒူအီ အီ မိုဝ်း အာငျာန်၊ အန် မိုဝ်း ပွုန် တာင်။ အီ နပ် ဘဲန် မျုဝ် ဘဲန် မျုဝ်၊ အန် ဘော ဝဲ မိုဝ်း ဟဲန့် ကာပွါ။

6 ခုဝ်၊ အာဆေ မိုဝ်း အီ ဒွါ အာကျာမ် အာငျာန် ဒီ အန်၊ အန် ဟဲ့ ပွိုန် ကာဂုဝ်း ဒီ အီ။ ဆေ န့ မိုဝ်း ဒူအီ ကိူန် ဒွါ အာကျာမ် အာငျာန်၊ န့ ဒီ တဲး ဒွန် အီ ကွယ် ဒါခိုယ်၊ ကွယ် ဆီချာ။

7 ဒူအီ ရိုဝ် တူ နပ် ဒီ ကာဖာ ခြပ် အာငျာန် ဘွတ်။ ဆေ ဒါ တာင် ဟီ လုဝ် ကာလာင် လွင် အာရေ အီ တာင် အီ ခိုက်ခမ်၊ ဒူအီ ရိုဝ် တီ တူ ပွိုန် ကာဝိုဝ်း မူတ့် အန်။

8 ဆေ ဒူအီ ခြာမ် ဒီ ဘူင် နာ တူ မွှိုမ်၊ အီ ဟဝ် ဒီ တဝ်း၊ အန် မုး ဒူအီ ဟာယ်။

9 ပီ ခြာမ် ဒူအီ ရိုဝ် ဒီ ဘူင်၊ န့ ဘော မုး မှာပ်။ ဆေ အီ မိုဝ်း နဝ်း ပီခိုက်၊ အီ ဟဝ် ဒီ တဝ်း၊ န့ မွှိုမ် ကာအိး။

10 ဆေ နဝ်း မဲ လိုဝ် ဒေါ ဇမ် မဲ ဒုက်၊ ဟဲန့် မဲ ပြေတ့်။

11 ဆေ ဒူအီ အီ တူ ဒူပ် ဒါရာ ဟဲ့ ဆုင်ဖျာတ် ဒီ ငဝ်း ယမ် ဒူအီ အူ ဝီ၊ တဲး မဲ ပီခြန် ဒီ စွယ် ဒူအီ ဝီ တီ တဲး အန် လွတ်။

12 မဲ ပီ ဘော တဝ်း၊ “အုဝ် တူ နပ် လွင် အန် တီ၊” ဇဝ်ဖြာ ယီ နပ်။ အန် ဇဝ် ဟဲ့ နပ် ဆီချာ ပီ ဇေန့်ဇာ မဲ ခဲင် နဝ်း မဲ။ အန် ဇဝ် ဒီ ဘ်ု အာဆာက် မဲ။ အန် ဟဲ့ နပ် လွင် အာရေ တီ။ အန် ဒီ ဘူင် ဝျီ့ ဒီ ဒူအီ ဒွန် အီ၊ တဲး န့ ဒူပ် ခဲ့ ပီ ဘူင် ဝီ မှဝ် ဝီ အန်။

13 အိုယ် ဂွန် ကာညူမ် အုဝ်၊ တဲး မဲ ဟူမ် ငါမ် မာဖျီန်။ ခုဝ်၊ န့ ဒီ မွှိုမ် ဒီ မဲ။ ငါမ် မာဖျီန် အီ စုဝ်း ဒီ န့လာင် အန်၊ န့ ဘော ဆီငဲး ကာဆဝ်။

14 ပါယ် တီ၊ မဲ ဒီ ဘော နပ် ခဲ့ ဘွတ် ခဲ့ မွှိုမ် အာငျာန် အီ ကွယ် ခဲင် နဝ်း မဲ။ ဆေ မဲ မိုဝ်း အာငျာန်၊ နာ အာတ့် နီ ဟာဝ် မဲ ဒီ ပွိုန် ဒီ ကွယ် ဒါခိုယ်။ ပီ နှဝ့် န့ဒဝ့် မဲ၊ န့ ဒီ ဘဲန်၊ တူ တဲး မဲ ကာလုတ့် နဝ်း။

15 ကွဲ့ ဘူင် ပီ ဒူအီ ဟာယ်၊ အီ ခြာမ် ဒီ ဇူန် ဒူအီ နဝ်း ဆိူဝ် နဝ်း မှာန်။ ကွဲ့ တဲး မဲ ပျာတ့် ကာင် ဒူင် ကွယ် အန်။

16 ခုဝ်၊ ဒူအီ နဝ်း ဆိူဝ်၊ အန် ပီ ဘော ဟဲ့ ကေး အာဒါ ဘူ ဇေန့် မိူဝ်၊ အန် ပီ ဝီ ပွိုန် ဒီ ယိတ့် ဒွန် ဇေန့်။ အီ မုး ဒူအီ ဟာယ်၊ အန် ယီ ကေး လူင် ဒေါ ကာဒုး အန် အာဖေ အာရေ တာင်။

17 ဒေါ ကေး ရန်ဆူ မဲ၊ မဲ ကွဲ့ ခူယ်။ ဒေါ တာ ဒုး အန် ဒီ ပ့လဝ် အန်၊ ကွဲ့ တဲး နဝ်း မဲ ဒါခိုယ်။

18 ယုဝ် ဇဝ်ဖြာ ယိုဝ်၊ အာဝ် လဝ့် နဝ်း အန်။ ယုဝ် ဇဝ်ဖြာ ပီ တူ ဒမ် မှာပ် ဒီ အန်။

19 ကွဲ့ တဲး န့ ဘဲန် နဝ်း မှဲ ဒီ မဲ ကူပ် ဒူအီ တူ မွှိုမ်။ ကွဲ့ တဲး မဲ လှယ့် ဂေ။

20 ခုဝ်၊ နာ အာတ့် ဟာဝ်၊ ဒူအီ တူ မွှိုမ် တီ တူ မိုဝ်း ပီ နှဝ့် န့ဒဝ့် မာဆေ။

21 အိုယ် ဂွန် ကာညူမ် အုဝ်၊ တဲး မဲ ရုဝ်ဆေ ဇဝ်ဖြာ ဘော ရုဝ်ဆေ ခုန်ဒီခမ်။ ကွဲ့ တဲး နဝ်း မဲ ဘဲန် ဂိုက် ဂေ အီ ကာဘး ဒီ ဂါယ်။

22 အူ ဇေန့် ဂါယ် ဒီ တဲး ဂေ လိုဝ် စှိုမ် တူတ့်။ အာဝ် မိုဝ်း အာဆေ အီ ပွိုန် နပ် ပီ ဒီ ဘူင် ဇဝ်ဖြာ ဂါယ် ခုန်ဒီခမ်၊ တဲး ဂေ စှိုမ်။

23 ဂေ ဒူအီ အီ မိုဝ်း အာငျာန် ဟဲ့ ကာလာင် အုန် ဘော ဂြုဝ်း နီ။

ဆေ ဒါ တာင် ဆုင်ဖျာတ် ဒါရာ မိုဝ်း ဒူင် ရွက့် ဒူင် ဇွင့်၊ ပီ ဘူင် အန် အာဝ် ဘွတ် အာဝ် မွှိုမ်။

24 ဆေ အန် ဆုင်ဖျာတ် ဒီ ဒူအီ တူ မွှိုမ် တဝ်း၊ “မဲ တူ မိုဝ်း မှာပ်၊” ဂေ အီ ဟဝ် ဒီ ဘော ဒိူင် အန်။ ဂေ ဒူအီ ဘော မိူင် ဒီ ဘော ကာအိး ဘော ဇွင့် အန်။

25 ဆေ န့ ယီ မုး ဒါ တာင် အီ ဒမ် မှာပ် ဒီ ဂေ အီ တူ မွှိုမ်၊ အန် ဒီ ဘော ဘျုဝ် ဒါခိုယ်။ အန် ဒီ ဘော ပွိုန် မွင့်ကာရာ ပီ ဒွါ ဇဝ်ဖြာ။

26 ဆေ ဒူအီ အီ ဝျီ့ ဂြုဝ်း မဲ ကာလာင် ဂြုဝ်း ဆိူဝ်၊ ဂြုဝ်း မှာန်၊ န့ ပီ အူ ဂိုက် လာယ် ငျီမ်။

27 တဲး မဲ ရန့် ဂါန် နာ ရေတ့် ဒီ အာတ့်၊ ဘူင် မာန် ဂေ ဒူင် နာ မဲ တဲး န့ ဟွတ့်။ ဝါယ် အန် တီ တဲး မဲ ဝီ ဆမ် ကာင် မဲ။

28 ဆေ န့ တူ မိုဝ်း ဒီခုဝ်၊ ကွဲ့ တဲး မဲ ဘဲန် ဆက်ဆေ ဒီ အီ ဟဝ် ခေါ အူ ဝီ။ မဲ ကွဲ့ ကာလာင် အာဝ် မုး အာဝ် မှာန် လွင် အန် တီ။

29 မဲ ကွဲ့ တဝ်း၊ “အုဝ် ဒီ ဘူင် ဒူပ် ပီ ဘူင် အန် ဒီ အုဝ်။ အုဝ် ဒီ ဘူင် ဝျီ့ ဒီ အန် ခဲ့ ပီ ဘူင် အန် ဒီ အုဝ်။”

30 အုဝ် ဟဲ့ ဒွိုမ် ဝဝ့် ဟာဝ် ခူပ် မာန် မာငုန် ဒူအီ ကြာန်၊ အီ တူ မိုဝ်း အာငျာန်။ အုဝ် ဟဲ့ ဒွိုမ် ဟာဝ် ကာလုဝ်း မာန် မာငုန် ဒူအီ အီ တူ နပ် မာဆေ။

31 အုဝ် ဘော ယိုဝ်၊ ဒဝ် မာအာတ့် ဟဲ့ ဟွတ့် ပ့လိုက် တူတ့်။ ပြဲ ဂေ ပေတ့် မိူဝ် ဟဲ့ ဟွတ့် နုဝ့်။ မာဝ် ပီ ဂုဝ် အန် ဘဲန် လူင့် မိူဝ်၊ ဟဲ့ ဟွတ့် ဒီဂ့လဝ်း စုဝ်း။

32 အုဝ် ယွတ် ဘော ကာဒွါ့ ကာဖာ လွင် အန် တီ။ န့ ဘော မာနုဝ် တဲး အုဝ် နပ်။ ဆေ မဲ တဝ်း၊

33 “အုဝ် ဒီ အိတ် ပေါ အူ ကာစန်၊ အုဝ် ဒီ အိတ် ဒီလှဝ် ခေါ အီ စဲက်၊”

34 အာခြာဝ် ဒေါ အိတ် မဲ တီ၊ ဖ့လာန် ဂေ အေတ့် ဒီ တး ပျာတ့် မဲ ပီ ဒါ ဇူန်။ ဂိန် ဒီ ဘော တး ဒီ မဲ ပီ ဒါ အီ ဂူင့် ခြိုင် ကာဂုဝ်း ဟဲ့ တး။