1 ဒူအီ ဘိုင် ဆီချာ ဇဝ်ဖြာ အီ အိုပ် တူတ့် ဒွန် မျုဝ်၊ အန် ဒီ ပွိုန် ဒီ ကွယ် ဆီချာ။ ခုဝ်၊ အန် ဇဝ် ဒီ ဘ်ု ရိတ် အာဆာက် အန်။

2 အုဝ် ဘော တဝ်း ဒီ ဇဝ်ဖြာ၊ “မဲ ဇဝ် မိုဝ်း ဒူင် ဒီ ပွိုန် အုဝ် ချြီင်။ မဲ ဇဝ် မိုဝ်း ဒူင် ဒီ ပွိုန် အုဝ် ကွယ် ဆီချာ။ မဲ မုး အန် ဇဝ် ပီ ဘိုင် အုဝ်။”

3 အန် ဇဝ် ဒီ တဲး မဲ လွတ် ခဲင် ယွတ့် ပီ ဒိန့် အီ ဟဝ်။ အန် ဒီ တဲး မဲ လွတ် ဘော ဆဝ် ရောဂါ ဒွန် မျုဝ်။

4 အန် ဇဝ် ဒီ ဘ်ု ရိတ် မဲ၊ တဲး န့ ပီ ဂွန် မာဆိမ် ကွယ် ခြိုမ် ဖျီင် မာ အန်။ မဲ ဒီ ဘော ကွယ် ဒါခိုယ် ကူပ် လိုမ်လာ အန် ဇဝ် ဒီ မဲ။ ဇဝ်ဖြာ ဒီ ဘူင် နာ မှာန် နာ မွှိုမ် ဒီ မဲ ဆေဆေ၊ တဲး န့ ပီ မဲ မိုဝ်း မင် ဂွင့် အီ ရဲ အီ ဂွင့် မဲ။

5 ခဲင် မှိုဝ် မဲ တူ လုဝ် ယုဝ် အီ တူ မွှိုမ်။ ဘော ကာတဲ ဆီငဲ မဲ တူ လုဝ် ယုဝ် ဘ့လာ အ ပီ ဘန့် အီ။

6 ဘော ရောဂါ အီ နပ် ဒီ ပျာတ့် အီ ခဲင် မှိုဝ်၊ ဘော အာဖေ အာရေ အီ နပ် ဒီ တဲး အီ စှိုမ် ဒေါ ကာတဲ ဆီငဲ၊ မဲ တူ လုဝ် ယုဝ်။

7 န့ ပီ ဘော မိုဝ်း ဒူအီ အူ ဟြဲန့် ဝီ၊ အီ ဒီ ကေး ခူပ် မဲ၊ န့ ပီ ဘော မိုဝ်း ဒူအီ အူ မှိုန့် ဝီ၊ အီ ဒီ ယမ် ဘ့လာက် အာအး မဲ။ မာလဲ၊ န့ ယီ တူ ဒိုဝ် ဒုဝ် မဲ။

8 မဲ ဒီ ပွိုန် ဒီ ယိုဝ် ပီ ဘူင် ဇဝ်ဖြာ ဒီ ဂေ ဒူအီ မိူက်။ မဲ ဒီ ဘော ယွတ် ဒေါ ခမ် ဂေ မှာပ် ဂေ။

9 ဆေ မဲ ဘိုင် ဇဝ်ဖြာ၊ ဆေ မဲ ဘော ကွယ် ရိုမ် ဒူပ် ဇဝ်ဖြာ အီ အိုပ် တူတ့် ဒွန် မျုဝ်၊

10 အန် ဇဝ် မိူဝ် တူ တဲး မျုဝ် အီ တူ မွှိုမ် တး ဇမ် ဒီ မဲ။ အာဖေ အာရေ ဘဲန် မျုဝ် ဘဲန် မျုဝ် မဲ မိူဝ် တူ လုဝ် ခမ်။

11 ဒေါ ဟာဝ် မဲ ဒူပ် န့တေန့်၊ အန် ဇဝ် ဒီ စ်ု ဂေ အာမူ အာမာတ် အန် တဲး ဂေ လိုမ်လာ ယွတ် ဆီချာ မဲ။

12 ဂေ ဒီ နှဝ့် ဘ်ု မဲ တာ ဒဲ ဂေ၊ ကွဲ့ တဲး ပ့လဝ် မဲ တာ ဒုး ဒီ မာဝ်။

13 မဲ ဒီ ဘော ညဲတ့် ဂိန့် မာခြင်ဆီ ဂါယ် ဂိန့် ဟန့် ဂြဝ်။ မဲ ဒီ ဘော ထူထိတ့် ယမ် မာခြင်ဆီ ဂါယ် မာဟန့်။

14 ဇဝ်ဖြာ ဟဲ့ တဝ်း လွင် မဲ၊ “အန် ဟဲ့ ရွက့် အုဝ်။ ခုဝ်၊ အုဝ် ဒီ ချွတ် အန်။ အုဝ် ဒီ ရဲ ဒီ ဂွင့် အန် ကူပ် ဂူမ် အန် ဒီ အုဝ်။

15 ဒေါ ဆာခိုဝ် အန် ဒီ အုဝ်၊ အုဝ် ဒီ ဘော ထူမ် ပီ ဆာခိုဝ် အန်။ ဒေါ ကာဒုး အန် ဒုက်၊ အုဝ် ဒီ ကွယ် ရိုမ် ဒူပ် အန်။ အုဝ် ဒီ ချွတ် အန် ဘော တဲး အန် မိုဝ်း ဆာရေ။

16 အုဝ် ဒီ မွင့်ကာရာ တဲး အာဆာက် အန် တူင့်။ အုဝ် ဒီ ချွတ် အန်။”