1 မဲ ခုန်ဒီခမ်၊ တဲး ဇဝ်ဖြာ ထူမ် ဂြုဝ်း ပီ ဆာခိုဝ် မဲ ဒေါ ဇမ် မဲ ဒုက်။ တဲး ဇဝ်ဖြာ ပီ ကြိုပ် အာကူပ် ဂွင့် ရဲ မဲ။

2 တဲး အန် ဇဝ် အီ ကွယ် ခဲင် ဟုဝ် ဘွတ် စွယ် မဲ။ တဲး အန် တိုယ် ဒူအီ ဒီ နွန် ဇီအူန်၊ တး စွယ် မဲ။

3 တဲး အန် ဇဝ် လှုဝ်း ပီ လှူ မဲ ဒွန် မျုဝ်။ တဲး အန် အိုင် ဘော ပီ လှူ မဲ အီ ဒုဝ့် ဒီ ငဝ်။

4 တဲး အန် ဒွါ ဒီ မဲ ခဲ့ ပီ ဆီ ပွိုန် မဲ။ ပီ ခြာမ် မဲ ဒီ ဘူင်၊ တဲး န့ ဘော ဘဲန် တူတ့် ဒွန် မျုဝ်။

5 ပါယ် တီ၊ ယေ ဒီ ဘော ဒါခိုယ် ကာဆဝ် ကူပ် ဟဲ့ ပဲ ဇဝ်ဖြာ ရန်ဆူ မဲ။ ယေ ဘော အိူပ် ဇဝ်ဖြာ ပီ ကြိုပ် ယေ၊ တဲး န့ ပီ ယေ စုဝ့် ဟုဝ့် အာလာမ်။ မှာန့်၊ တဲး ဇဝ်ဖြာ ဒွါ ခဲ့ ပီ ဆာခိုဝ် မဲ ဒွန် မျုဝ်။

6 ဒေါ တီ နီ၊ အုဝ် ဟဲ့ နပ်၊ ဇဝ်ဖြာ ဒီ စွယ် ဒူအီ ပီ ရဝ်း ပီ တိုယ် အန်၊ တဲး အန် အွင်။ ဇဝ်ဖြာ အီ ကွယ် ခဲင် ဂါင်ဟြာဝ် အီ မုး ဒူင် ဘွတ်၊ အန် ဒီ ထူမ် ဂြုဝ်း ပီ ဆာခိုဝ် ခုန်ဒီခမ်။ ပွုန် ဇဝ်ဖြာ ဒီ တဲး အန် ပဲ ရန်ဆူ ကိူန်။

7 ဂေ မင် အီ ဘော ပီခိုက် ဂေ ကူပ် မိုဝ်း ဂေ လက်လဝ် ဂေ မင်ပြွင့်။ န့ ယီ မုး ယေ၊ ယေ ဘိုင် ပွုန် ဇဝ်ဖြာ အီ မုး ဇဝ်ဖြာ ပီ ကြိုပ် ယေ။

8 ဂေ ဒီ ဘော ကေး စှိုမ် တူတ့်။ ယေ ယီ ပွိုန် ဒီ ကွယ် ဆီချာ၊ တူ ကေး၊ တူ စှိုမ်။

9 အိုယ် မဲ ဇဝ်ဖြာ၊ ယေ မှာန့်၊ တဲး မဲ စွယ်၊ တဲး ခုန်ဒီခမ် ယေ အွင်။ ဒေါ ဆာခိုဝ် ယေ ဒီ မဲ၊ တဲး မဲ ဘော ထူမ် ဂြုဝ်း ပီ ဆာခိုဝ် ယေ။