1 မဲ ဇဝ်ဖြာ၊ မဲ ဘော မုး ဇဝ်ဖြာ ပီ ကြိုပ် အုဝ်။ မဲ ဘူင် နာ မှာန် ဆေဆေ။ အုဝ် မှာန့်၊ တဲး မဲ ဇဝ် ဝျီ့ ဂြုဝ်း အုဝ်။ ဒေါ ကာဒုး အုဝ် ဒုက် တာင်၊ မဲ ဇဝ် မိူဝ် ဟဲ့ စွယ်၊ တဲး အုဝ် ဝီ ဒါခိုယ်။ အုဝ် မှာန့်၊ တဲး မဲ ဇဝ် ကာဝေ အုဝ် ဘော ထူမ် ဂြုဝ်း ပီ ဆာခိုဝ် အုဝ်။

2 အိုယ် ဘေ ဒူအီ ဟဝ်၊ ဘေ ဒီ တဲး ဆာရေ အုဝ် ချဝ့် လှေန့် ခဲ့ မှဝ်။း ဘေ ဒီ ဘော အိုင် အီ တူ မိုဝ်း ဒီခုဝ် ဘော ထူမ် ဒူပ် ဂြုဝ်း ကာလုဝ် အီ လှေန့် ခဲ့ မှဝ်။း

3 တဲး ဘေ နပ်၊ ဇဝ်ဖြာ ဟဲ့ ရဝ်း ဂေ ဒူအီ အီ ဒူပ် အန်၊ တဲး ဂေ ဘဲန် ဒူအီ အာမျုဝ် အန်။ ဇဝ်ဖြာ ဒီ ဘော ထူမ် ဒေါ ဆာခိုဝ် အုဝ် ဒီ အန်။

4 ဆေ ဘေ ရူ၊ ကွဲ့ တဲး ဘေ ဘူင် မှာပ် ကူပ် ရူ ဘေ။ တဲး ဘေ ဝီ ကာဖာ ဂြုဝ်း တီ ဒေါ ကွယ် ဘေ ဒဲင် ကာစှူင့် အိတ် ဘေ၊ တဲး ဘေ ကွယ် ယေန် ယေန်။

5 တဲး ဘေ လှူ ပီ လှူ အီ မုး အီ မှာန်။ တဲး ဘေ ဘိုင် ဆီချာ ဇဝ်ဖြာ။

6 ဂေ ဒူအီ ကိူန် ဘော နပ် ဒီ တဝ်း၊ “အာဆေ ဒီ ဒွါ ဒီ ယေ မျုဝ် အီ ဘွတ် အီ မွှိုမ်။း” ဂေ ဘော တဝ်း၊ “အိုယ် မဲ ဇဝ်ဖြာ၊ မှာန့်၊ တဲး မဲ ကာဝေ ယေ၊ တဲး ယေ ဒါခိုယ်။”

7 ဆေ အီ ဟဲ့ ပွိုန် ကိူန် ငှုဝ် ကာမာယ် ဘော အိုမ် မာငုန်၊ နဝ်း ဂေ ဒါခိုယ် ကာဆဝ်။ မဲ ဇဝ်ဖြာ ယီ တဲး နဝ်း အုဝ် ဒါခိုယ် လွှိုမ် ဂေ တီ။

8 အုဝ် ဟဲ့ ပွိုန် ဒီ အိတ် ဒါခိုယ်၊ အိတ် ဆီချာ။ ခုဝ်၊ န့ မုး မီ မဲ ဇဝ်ဖြာ အီ တဲး အုဝ် ဂျာမ်ဆာ ပါယ် တီ။